У Гродзенскім абласным выканаўчым камітэце прайшло пасяджэнне дэлегатаў Усебеларускага народнага сходу ад Гродзенскай вобласці.У пасяджэнні прынялі ўдзел губернатар Гродзенскай вобласці Юрый Караеў, старшыня Гродзенскага абласнога Савета дэпутатаў Алена Пасюта, начальнік Сакратарыята ВНС Валерый Міцкевіч і іншыя запрошаныя. Сярод дэлегатаў – рэктар Гродзенскага дзяржаўнага ўніверсітэта імя Янкі Купалы Ірына Кітурка.
Удзельнікі абмеркавалі Праграму сацыяльна-эканамічнага развіцця Рэспублікі Беларусь на 2021-2025 гады, а таксама праекты Канцэпцыі Праграмы сацыяльна-эканамічнага развіцця Рэспублікі Беларусь на 2026-2030 гады і Нацыянальнай стратэгіі ўстойлівага развіцця Рэспублікі Беларусь на перыяд да 2040 года.
