Выканаць місію Дзеда Мароза можа кожны. Аб сваім жаданні далучыцца да акцыі «Нашы дзеці» неабходна заявіць да 11 снежня, звярнуўшыся ў валанцёрскі цэнтр ГрДУ імя Янкі Купалы па адрасе: вул. Ажэшкі, 22, каб. 308. Кожнаму «чараўніку» трэба будзе выканаць пажаданне дзіцяці, выказанае ў адным з лістоў: купіць прыгожыя навагоднія цацкі, музычныя калонкі, навушнікі, канструктары, цёплыя шкарпэткі, наборы сродкаў для асабістай гігіены і многае іншае. Прынесці падарунак у добраахвотніцкія цэнтр можна да 23 снежня. Усе падарункі будуць перададзены выхаванцам з Васілішкаўскага дома-інтэрната ў Напярэдадні Новага года.

Акцыя «Нашы дзеці» праводзіцца ў рэспубліцы ўжо больш за 20 гадоў. Яна накіравана на аказанне дапамогі і падтрымкі дзецям і сем'ям, якія знаходзяцца ў складанай жыццёвай сітуацыі. На працягу многіх гадоў дабрачынную ініцыятыву падтрымліваюць таксама супрацоўнікі і студэнты Купалаўскага ўніверсітэта. Так, штогод напярэдадні Новага года яны наведваюць з падарункамі Васілішкаўскі дом-інтэрнат для дзяцей-інвалідаў з асаблівасцямі псіха-фізічнага развіцця і праводзяць там святочныя мерапрыемствы. Акрамя таго, прадстаўнікі ГрДУ імя Янкі Купалы ўваходзяць у Апякунскі савет пры Васілішкаўскім доме-інтэрнаце для дзяцей-інвалідаў з асаблівасцямі псіха-фізічнага развіцця і рэгулярна, незалежна ад святочных дат і каляндарных падзей, праводзяць дабрачынныя мерапрыемствы, накіраваныя на аказанне дапамогі выхаванцам гэтай установы.