20 ліпеня ў Купалаўскім універсітэце адбылося залічэнне ў лік студэнтаў для атрымання вышэйшай адукацыі за кошт сродкаў рэспубліканскага бюджэту па сертыфікатах ЦЭ ці ЦТ.

На атрыманне агульнай і спецыяльнай вышэйшай адукацыі за кошт сродкаў рэспубліканскага бюджэту абітурыентамі было пададзена 2572 заявы на 1381 бюджэтнае месца. Усяго ў 2024 годзе за кошт сродкаў рэспубліканскага бюджэту ў Гродзенскім дзяржаўным універсітэце імя Янкі Купалы атрымліваць вышэйшую адукацыю будуць 1104 першакурснікі дзённай і 277 першакурснікаў завочнай формы атрымання адукацыі.

Варта адзначыць, што ГрДУ імя Янкі Купалы ў 2024 годзе поўнасцю выканаў план набору за кошт сродкаў рэспубліканскага бюджэту.

Да ўдзелу ў конкурсе для атрымання агульнай вышэйшай і спецыяльнай вышэйшай адукацыі па выніках трох сертыфікатаў ЦЭ або ЦТ былі дапушчаны 1339 абітурыентаў. Студэнтамі Гродзенскага дзяржаўнага ўніверсітэта імя Янкі Купалы (па трох сертыфікатах ЦТ і ЦЭ) сталі 719 абітурыентаў, з іх на дзённую форму атрымання адукацыі залічаны 691 чалавек, на завочную - 28 чалавек. З іх без уступных іспытаў залічана 187 абітурыентаў, па-за конкурсам - 4.

Адзначым, што сярод абітурыентаў, залічаных у лік студэнтаў 20 ліпеня, 9 выпускнікоў педагагічных класаў, якія паступаюць па субяседванні, 1 пераможца рэспубліканскай алімпіяды па вучэбных прадметах, 11 пераможцаў III (абласнога) этапу рэспубліканскай алімпіяды па вучэбных прадметах, 2 выпускнікі Нацыянальнага дзіцячага тэхнапарку, 140 уладальнікаў атэстата асаблівага ўзору з узнагароджаннем залатым (сярэбраным) медалём, 24 – уладальнікі дыплома з адзнакай.

Сярэдні конкурс па спецыяльнасцях, на якія абітурыенты паступаюць па трох сертыфікатах ЦТ і ЦЭ, склаў 1,86 чалавека на месца.

Вынікі залічэння кожны абітурыент можа ўбачыць у сваім Лічбавым кабінеце абітурыента.

Адзначым, што раней ва ўніверсітэт былі залічаны 37 пераможцаў універсітэцкай алімпіяды і 194 чалавекі, якія будуць навучацца на ўмовах мэтавай падрыхтоўкі.

Праца прыёмнай камісіі ў ГрДУ імя Янкі Купалы працягваецца.

У Купалаўскім універсітэце праходзяць уступныя іспыты, якія працягнуцца да 25 ліпеня ўключна. Інфармацыя аб даце і часе яўкі абітурыента на іспыт прадстаўлена ў яго Лічбавым кабінеце. Іншагароднім абітурыентам універсітэт дае магчымасць засяліцца на час здачы экзаменаў у інтэрнат.

У абітурыентаў, якія жадаюць вучыцца на платнай аснове, ёсць магчымасць падаць дакументы па 1 жніўня.

Падрабязную інфармацыю аб ходзе прыёмнай кампаніі, прапанаваных спецыяльнасцях, тэрмінах падачы дакументаў можна даведацца на сайце www.abit.by, а таксама ў пункце працы прыёмнай камісіі Гродзенскага дзяржаўнага ўніверсітэта імя Янкі Купалы па адрасе: вул. Леніна, 32; а таксама па тэлефонах:

+375 (152) 67-01-01 (шматканальны),

МТС +375 (33) 35 44 500,

Life +375 (22) 77 44 500