Гродзенскі дзяржаўны ўніверсітэт імя Янкі Купалы – шматнацыянальная і інтэгратыўная пляцоўка для студэнтаў з усяго свету. Сучасная адукацыя не можа існаваць у ізаляцыі - менавіта таму наш універсітэт актыўна распрацоўвае і ўкараняе мерапрыемствы, накіраваныя на актыўную інтэграцыю замежных студэнтаў у беларускую адукацыйную сістэму.У пятніцу, 1 лістапада, на юрыдычным факультэце ГрДУ імя Янкі Купалы прайшло мерапрыемства па адаптацыі замежных магістрантаў 1 курса. На сустрэчу сабраліся навучэнцы, якія прыбылі з Кітайскай Народнай Рэспублікі і атрымліваюць паглыбленую вышэйшую адукацыю на англійскай мове.
Маладыя людзі азнаёміліся са структурай, бібліятэчным каталогам, фондамі і электроннымі рэсурсамі бібліятэкі, звязанымі з юрыдычным напрамкам, актуальным пры навучанні, напісанні навуковых артыкулаў, падрыхтоўцы магістарскіх дысертацый.
Аб выкананні заканадаўства Рэспублікі Беларусь расказала замежным навучэнцам дацэнт кафедры крымінальнага права, крымінальнага працэсу і крыміналістыкі Ірына Маісеева.
Лектар правяла занятак на тэму захавання заканадаўства Рэспублікі Беларусь і прафілактыкі супрацьпраўных паводзінаў для замежных студэнтаў факультэта матэматыкі і інфарматыкі.
Прафілактычная размова закранула пытанні знаходжання замежных грамадзян на тэрыторыі Рэспублікі Беларусь, захавання адміністрацыйнага і крымінальнага заканадаўства і правілаў дарожнага руху. Адмысловая ўвага была нададзена нормам карыстання гарадскім грамадскім транспартам.
Мерапрыемства праводзілася з мэтай павышэння прававой культуры замежных студэнтаў.
