Дыпломам першай ступені Каманднай алімпіяды па праграміраванні факультэта прыкладной матэматыкі і інфарматыкі Беларускага дзяржаўнага ўніверсітэта ўзнагароджаны студэнты трэцяга курса факультэта эканомікі і кіравання Уладзілен Лакцевіч і Мікалай Зданчук.

У камандным заліку нашы студэнты занялі трэцяе месца сярод 26 каманд з 6 універсітэтаў Беларусі і Расіі. Як адзначыў трэнер каманды, старшы выкладчык кафедры матэматычнага і інфармацыйнага забеспячэння эканамічных сістэм Юрый Сцёпін, узровень сапернікаў на гэтым інтэлектуальным спаборніцтве заўсёды вельмі высокі.

- Хлопцы выдатна справіліся з алімпіяднымі заданнямі. Уладзілен і Мікалай раней не працавалі ў адной камандзе, але гэта не перашкодзіла ім. Дарэчы, на гэтым спаборніцтве ў нас упершыню такі высокі вынік, чаму вельмі рады. Натуральна, мы не збіраемся расслабляцца і пастараемся пацвердзіць свой вынік у наступным годзе, - распавёў Юры Сцяпін.

Віншуем пераможцаў і жадаем новых здзяйсненняў!