Заслужаныя ўзнагароды за дасягненне значных вынікаў у галіне якасці і канкурэнтаздольнасці выпускаемай прадукцыі, паслуг або выкананых работ, укараненне інавацыйных тэхналогій і сучасных метадаў менеджменту ўручаны 29 арганізацыям. З іх 15 сталі лаўрэатамі Прэміі, 14 - пацвердзілі званне лаўрэата паўторна.

Гродзенскі дзяржаўны ўніверсітэт імя Янкі Купалы чацвёрты раз удастоены звання лаўрэата конкурсу "Прэмія Урада Рэспублікі Беларусь за дасягненні ў галіне якасці". Дыплом лаўрэата рэктару ўніверсітэта Ірыне Кітурка і прарэктару па вучэбнай рабоце Юрыю Белых уручыў намеснік Прэм'ер-міністра Рэспублікі Беларусь Юрый Назараў.

У рамках цырымоніі таксама ўручаны дыплом пераможцу конкурсу "Лепшая дыпломная і навукова-даследчая работа студэнтаў у галіне менеджменту і кантролю якасці" 2021 года Яраславу Кабылянцу, выпускніку фізіка-тэхнічнага факультэта і яго навуковаму кіраўніку, дацэнту кафедры агульнай фізікі, кандыдату фізіка-матэматычных навук, дацэнту Генадзю Васілюку. Узнагароду ўручала першы намеснік Міністра адукацыі Ірына Старавойтава.