Прыёмная кампанія - 2022 стартавала ў ССНУ 20 ліпеня, аднак у сценах Гуманітарнага каледжа Купалаўскага ўніверсітэта актыўна ідзе прыём дакументаў і праводзяцца кансультацыі для абітурыентаў па пытаннях паступлення.У першыя два дні прыёму дакументаў Гуманітарны каледж выбралі 170 абітурыентаў, якія вырашылі стаць часткай дружнай Купалаўскай сям'і. Найбольшая колькасць дакументаў пададзена на спецыяльнасць "Дашкольная адукацыя" - 68 чалавек. На спецыяльнасць "Фізічная культура" падалі дакументы 40 абітурыентаў, "Дызайн (графічны)" - 29 чалавек. Высокую цікавасць у будучых навучэнцаў выклікаюць спецыяльнасці "Дакументазнаўства і дакументацыйнае забеспячэнне кіравання" - 17 чалавек, "Музычная адукацыя" - 10 чалавек, "Турызм і гасціннасць" - 6 чалавек.
Дзверы каледжа для абітурыентаў і іх бацькоў адчынены з 9:00 да 18.00 з панядзелка па суботу!
Мы чакаем вас, дарагія сябры!
