Набліжаецца сезон прастуд і вірусных захворванняў, а таксама медыкі прагназуюць рост захворвання на каранавірусную інфекцыю. Таму спецыялісты настойліва раяць прышчапляцца. Для прастаты і зручнасці здраўпункт Купалаўскага ўніверсітэта рэгулярна арганізуе выязныя прышчэпачныя кабінеты.
Выязны пункт вакцынацыі будзе працаваць у гэтую пятніцу, 9 верасня, з 12.00 да 14.00 у галоўным корпусе ўніверсітэта, кабінет 123. Медыцынскія работнікі просяць вас праявіць клопат аб сваім здароўі і абараніцца ад каранавіруса!
Папярэдне запісвацца на вакцынацыю не трэба, але трэба мець пры сабе пашпарт. Дарэчы, прышчапіцца могуць і непаўналетнія, праўда, пры наяўнасці пісьмовага дазволу ад бацькоў.
ШТО? Вакцынацыя і рэвакцынацыя.
ДЗЕ? Вуліца Ажэшкі, 22, кабінет 123.
КАЛІ? 9 верасня з 12.00 да 14.00.