На тэрыторыі ваеннага факультэта курсанты-выпускнікі, якія спецыялізуюцца на тылавым забеспячэнні войскаў, разгарнулі палявы харчовы пункт, палявую лазню і рэчавую рамонтную майстэрню. Ролі на іспыце размяркоўваліся з дапамогай лёсавання, каб кожны студэнт мог прадэманстраваць свае навыкі ў адпаведнай вобласці.

– Напярэдадні курсанты здавалі тэарэтычную частку дзяржаўнага іспыту. Кожны выцягнуў білет, адказаў на пытанні дзяржаўнай камісіі. Практычная частка паказвае, як выпускнікі ўмеюць прымяняць веды на практыцы, – расказаў начальнік ваеннага факультэта ГрДУ імя Янкі Купалы Генадзь Песляк.

Падчас іспыту курсанты-выпускнікі сутыкнуліся з нападам дыверсійна-разведвальнай групы. Курсанты дзейнічалі ў напружаным становішчы.

Другакурснікі ў рамках тактычнага занятку адпрацоўвалі баявыя дзеянні, абараняючы тыл ад варожага ўварвання. Паводле сцэнарыя, дыверсанты выкарыстоўвалі робат для адсочвання лагера і кінулі свае сілы ў напрамку тылу. Курсанты неадкладна прыступілі да абароны і паспяхова забяспечылі надзейнасць тылу, які адыгрывае ключавую ролю ў захаванні баяздольнасці войскаў.

– Падрыхтоўка курсантаў выдатная, – адзначыў старшыня дзяржаўнай экзаменацыйнай камісіі, намеснік начальніка рэчавага ўпраўлення Міністэрства абароны Сяргей Швед. – Экзамен паказвае, што выпускнікі гэтага года валодаюць усімі неабходнымі ведамі і паспяхова прайшлі навучанне. Іх узровень падрыхтоўкі, безумоўна, дасць магчымасць выканаць задачы па рэчавым і харчовым забеспячэнні Узброеных сіл.

Усе курсанты паспяхова прайшлі выпрабаванні дзяржаўнага экзамену і ў хуткім часе гатовы пачаць службу. Дзеці прадэманстравалі зладжаную працу ў камандзе, без якой немагчыма паспяхова выканаць баявую задачу.

Наперадзе рабят чакае яшчэ адна важная падзея - выпускны, дзе ім уручаць першыя афіцэрскія пагоны. Урачыстасць адбудзецца 29 чэрвеня.