Міністр адзначыў высокі ўзровень падрыхтоўкі спартсменаў-купалаўцаў, а таксама важную ролю трэнерскага складу ў поспехах студэнтаў на спартыўнай ніве. У ходзе сустрэчы былі абмеркаваны розныя аспекты, у тым ліку студэнцкі і прафесійны спорт. Не засталася без увагі абстаноўка на сусветнай спартыўнай арэне і існуючыя цяжкасці: уплыў палітыкі на спартыўны працэс і абмежаванні, звязаныя з удзелам у міжнародных спаборніцтвах.

Як адзначыў Сяргей Кавальчук, у Беларусі падтрымка спартыўнай сферы заўсёды мела вялікае значэнне для дзяржавы. Удасканальваецца інфраструктура, спартсменам аказваецца ўсебаковая падтрымка, іх поспехі ніколі не застаюцца незаўважанымі.

– Мы годна прадстаўляем нашу краіну на спаборніцтвах рознага ўзроўню. Спартсмены паказваюць выдатныя вынікі, і гэтая дынаміка адсочваецца і аналізуецца. Вядома, студэнцкі спорт таксама заўсёды ў поле зроку. Моладзь - гэта аснова нашага спорту і нашых нацыянальных зборных. Добра, умовы ва ўніверсітэтах створаны выдатныя, і гэта дазваляе рабятам дасягаць высокіх спартыўных вынікаў і адначасова атрымліваць якасную адукацыю, – падкрэсліў Сяргей Кавальчук.

Міністр спорту і турызму зазначыў, што сустрэча ў Гродзенскім дзяржаўным універсітэце імя Янкі Купалы невыпадковая. На працягу пяці гадоў універсітэт займае лідзіруючыя пазіцыі ў студэнцкім спорце. Гэтаму садзейнічаюць моцныя традыцыі і высокі прафесіяналізм трэнераў.

У спартсменаў-купалаўцаў была ўнікальная магчымасць пачуць з першых вуснаў аб тым, што зараз адбываецца на спартыўнай арэне і як гэта звязана з сусветнай палітыкай. Купалаўцы задавалі пытанні, на якія Сяргей Міхайлавіч ахвотна адказваў.

Сустрэча стала важнай падзеяй для Купалаўскага ўніверсітэта. ГрДУ імя Янкі Купалы ганарыцца сваімі спартсменамі і імкнецца да развіцця спартыўных дасягненняў і падтрымкі маладых талентаў.