Заняткі ў Школе камандзіраў і камісараў студэнцкіх атрадаў у ГрДУ імя Янкі Купалы праводзяцца штогод. Яны закліканы дапамагчы лідэрам больш эфектыўна і хутка асвоіць навыкі, якія будуць неабходны ім для працы кіраўнікамі студэнцкіх атрадаў. Ужо гэтым летам яны ўзначаляць будаўнічыя, педагагічныя, сервісныя і вытворчыя атрады студэнтаў.Школа камандзіраў і камісараў студэнцкіх атрадаў ГрДУ імя Янкі Купалы зноў адчыніць свае дзверы для ініцыятыўных і актыўных хлопчыкаў і дзяўчынак. Набор ажыццяўляецца Штабам працоўных спраў універсітэта і ПЗ/РК ГА «БРСМ» ГрДУ імя Янкі Купалы.
За час навучання ў Школе будучыя камандзіры і камісары даведаюцца аб традыцыях студатрадаўскага руху ў Гродзенскай вобласці і асноўных напрамках іх дзейнасці. Студэнты пазнаёмяцца з асновамі заканадаўства аб працы, асаблівасцямі нарміравання і аплаты працы ўдзельнікаў студэнцкіх атрадаў.
Таксама хлопцы асвояць правілы эфектыўнай камунікацыі і ўзаемадзеяння з работадаўцамі, навучацца планаваць работу атрада, даведаюцца аб асноўных функцыях камандзіра і камісара, асвояць правілы вядзення часопіса студэнцкага атрада, а таксама вывучаць асновы аказання першай даўрачэбнай дапамогі.
Запісацца ў школу могуць усе ахвочыя, для гэтага трэба: да 15 кастрычніка звярнуцца ў каб. 308 галоўнага корпуса ўніверсітэта (вул. Ажэшкі, 22) або патэлефанаваць па тэлефонах 8(0152) 39 72 09 або 8(029) 278 95 85.