У Гродзенскім дзяржаўным універсітэце імя Янкі Купалы 1 верасня 2015 года адбылася сустрэча адміністрацыі ВНУ з магістрантамі-першакурснікамі. У гэтым годзе на II ступені вышэйшай адукацыі будуць навучацца 177 учорашніх студэнтаў.
Новае папаўненне магістрантаў ў сценах ВНУ сустрэлі начальнік вучэбна-метадычнага ўпраўлення Ірына Фёдараўна Кітурка, начальнік вучэбнага аддзела вучэбна-метадычнага ўпраўлення Анатоль Іосіфавіч Багдзевіч і метадысты кіравання Аксана Генрыхаўна Дабрук і Вольга Вячаславаўна Дробыш.
З прывітальным словам да прысутных звярнуліся прарэктары па вучэбнай працы Юрый Эдуардавіч Бялых і Генадзій Аляксеевіч Гачко, адзначыўшы, што развіццё магістратуры вельмі актуальна для ўніверсітэта і сістэмы вышэйшай адукацыі. Юрый Эдуардавіч падкрэсліў: «Магістратура ў наш час вельмі запатрабаваная. На другой ступені вышэйшай адукацыі рыхтуюць прафесіяналаў, маладых навукоўцаў і даследчыкаў, якімі вы неўзабаве станеце. Наперадзе - вялікая плённая праца над магістарскай дысертацыяй. У сувязі з гэтым мы жадаем вам цікавых вынікаў і адкрыццяў!»
Метадысты кіравання Аксана Генрыхаўна Дабрук і Вольга Вячаславаўна Дробыш азнаёмілі магістрантаў з навучальным працэсам на II ступені вышэйшай адукацыі, вучэбным раскладам і адказалі на пытанні, якія цікавялі магістрантаў.
- С приветственным словом к присутствующим обратились проректор по учебной работе ГрГУ имени Янки Купалы Ю.Э. Белых
- Магистранты-первокурсники ГрГУ имени Янки Купалы
- С приветственным словом к присутствующим обратились проректор по учебной работе ГрГУ имени Янки Купалы Г.А. Гачко
- Слова напутствия выразила начальник учебно-методического управления И.Ф. Китурко
Гродзенскі дзяржаўны ўніверсітэт імя Янкі Купалы