У рамках праграмы акадэмічных абменаў «Erasmus +» запрошаны выкладчык Ярамір Хармачак з Універсітэта Палацага у г. Аламоуц (Чэхія) прачытаў цыкл лекцый на факультэце эканомікі і кіравання купалаўскага ўніверсітэта.
На адкрытую англамоўную лекцыю па эканамічным росце, яго тэорыі і сучаснай сітуацыі ў свеце прыйшлі студэнты спецыяльнасці «Сусветная эканоміка», магістранты спецыяльнасці «Прыкладны камп'ютарны аналіз дадзеных» і выкладчыкі кафедры матэматычнага і інфармацыйнага забеспячэння эканамічных сістэм.
–Па выніках занятку адбылася плённая дыскусія. Лекцыя выклікала вялікую цікавасць у студэнтаў, магістрантаў і выкладчыкаў і, несумненна, будзе спрыяць павышэнню матывацыі, умацаванню сувязяў кафедры матэматычнага і інфармацыйнага забеспячэння эканамічных сістэм з кафедрай развіцця даследаванняў Універсітэта Палацага, - распавялі на факультэце.
З усімі навінамі факультэта эканомікі і кіравання можна азнаёміцца тут.
Гродзенскі дзяржаўны ўніверсітэт імя Янкі Купалы