На працягу двух тыдняў – з 17 па 31 жніўня 2015 года – у Гродзенскім дзяржаўным універсітэце імя Янкі Купалы сумесна з Нацыянальным даследчыцкім тэхналагічным універсітэтам «МИСиС» (Масква) праводзяцца вучэбна-трэніровачныя заняткі па падрыхтоўцы да каманднага чэмпіянату свету па праграміраванні ACM/ICPC.
У зборах прымаюць удзел 7 студэнтаў і два трэнеры ад нашай ВНУ і 16 студэнтаў і 8 трэнераў ад НДТУ «МИСиС».
Са студэнтамі кожны дзень праводзяцца трэнінгі: удзельнікі слухаюць лекцыі, а на практычных занятках рашаюць найбольш складаныя задачы па праграміраванні і паэтапна разбіраюць іх з трэнерамі-выкладчыкамі.
Трэнер ад ГрДУ імя Янкі Купалы – старшы выкладчык кафедры матэматычнага і інфармацыйнага забеспячэння эканамічных сістэм Юрый Генрыхавіч Сцёпін. Куратар – начальнік інфармацыйна-аналітычнага цэнтра Яўгеній Уладзіміравіч Алізаровіч.
Кіраўнік трэнерскага састава ад НДТУ «МИСиС» – доктар тэхнічных навук, прафесар, член-карэспандэнт Расійскай акадэміі навук Уладзімір Львовіч Арлазараў, куратары – кандыдат тэхнічных навук Васілій Валер'евіч Постнікаў, кандыдат фізіка-матэматычных навук Ігар Барысавіч Мамай і выкладчык Уладзімір Вячаслававіч Куранкоў.
Даведка
Міжнародная студэнцкая алімпіяда па праграміраванні ACM/ICPC штогод праводзіцца з 1977 года і з'яўляецца буйнейшым чэмпіянатам па інфарматыцы, на якім вялікую колькасць складаных задач неабходна рашыць за параўнальна кароткі прамежак часу.
Алімпіяда праходзіць у тры этапы: чвэрцьфінал пройдзе ў кастрычніку гэтага года, паўфінал – у снежні, а фінальныя спаборніцтвы пройдуць вясной 2016 года.
Нагадаем, што ў паўфінале XIX міжнароднай студэнцкай алімпіяды па праграміраванні Паўночна-ўсходняга еўрапейскага рэгіёна ACM/ICPC каманда ГрДУ імя Янкі Купалы ўпершыню ў гісторыі ўніверсітэта заваявала дыплом другой ступені.
- Участники учебно-тренировочных сборов по подготовке к Международной студенческой олимпиаде по программированию ACM/ICPC
- Студенты НИТУ «МИСиС» (Москва) в ГрГУ имени Янки Купалы на занятиях по подготовке к командному чемпионату мира по программированию ACM/ICPC
- Студенты на практическом занятии в ГрГУ имени Янки Купалы: ребята решают наиболее сложные задачи по программированию
- туденты на практическом занятии в ГрГУ имени Янки Купалы: ребята решают наиболее сложные задачи по программированию
- Решение одной из задач на учебно-тренировочных занятиях по подготовке к Международной студенческой олимпиаде по программированию ACM/ICPC
Гродзенскі дзяржаўны ўніверсітэт імя Янкі Купалы