У Купалаўскім універсітэце праходзіць марафон прафарыентацыйных мерапрыемстваў on-line. Самым папулярным інструментам зносін факультэтаў з рабятамі стала праца ў сацыяльных сетках.
З 16 красавіка ў Instagram @fdp_grsu будуць размешчаны міні-ролікі па прадметах цэнтралізаванага тэставання. Выкладчыкі прапануюць абітурыентамі задачы па канкрэтнай тэме ЦТ, пасля чаго абітурыенты змогуць паглядзець ролік з цікавымі ідэямі па рашэнні заданняў.
Актуалізаваць і абагульніць свае веды, разабраць тэставыя заданні рабяты змогуць таксама падчас вебінараў «Да поспеху на ЦТ-міні». Заняткі па матэматыцы стартуюць 20 красавіка, па гісторыі Беларусі - 27 красавіка. Пачатак у 16.40, спасылку для доступу можна будзе знайсці на сайце факультэта.
Акрамя таго, абітурыенты могуць прыняць удзел у оnline-акцыі «Выберы спецыяльнасць па сертыфікатах».
Для гэтага неабходна вызначыць прадметы, па якіх ён плануе здаваць цэнтралізаванае тэставанне, пасля чаго праграма прапануе яму спецыяльнасці ў Гродзенскім дзяржаўным універсітэце імя Янкі Купалы, для паступлення на якія неабходна здаць ЦТ па акрэсленых раней прадметах. Таксама ў прафарыентацыйным марафоне запланаваны відэа-трэнінг «Прафнавігатар», падчас якога абітурыенты пазнаёмяцца з сайтам ГрДУ імя Янкі Купалы і abit.by.
Як расказала адказны сакратар прыёмнай камісіі, дэкан факультэта давузаўскай падрыхтоўкі Ірына Карлюкова, падобныя мерапрыемствы з выкарыстаннем інфармацыйных тэхналогій дапамагаюць старшакласнікам ў прафесійным самавызначэнні. Абітурыенты могуць выпрацаваць стратэгію самаразвіцця і шлях далейшай прафесійнай адукацыі, у інтэрактыўнай форме пазнаёміцца са спецыяльнасцямі ўніверсітэта і інфармацыяй, неабходнай для паспяховага паступлення, што спрыяе развіццю ў іх камунікатыўных кампетэнцый, навыкаў працы з інфармацыяй, а таксама дапамагае зрабіць усвядомлены прафесійны выбар.
Варта адзначыць, што падобныя дыстанцыйнныя прафарыентацыйныя мерапрыемствы праходзяць на ўсіх факультэтах Купалаўскага ўніверсітэта. Абітурыентаў запрашаюць на віртуальныя экскурсіі і оn-line сустрэчы, праводзяцца дыстанцыйныя алімпіяды, кансультацыі і прамыя эфіры, працуюць тэлефонныя лініі і інфармацыйна-даведачныя службы.
Гродзенскі дзяржаўны ўніверсітэт імя Янкі Купалы