Удзел у конкурсе па выніках першых тураў прымаюць 25 праектаў студэнтаў-купалаўцаў.
Для таго, што б распрацаваць праектную ідэю і бізнес-мадэль праекта, удзельнікі ў рамках першага этапу наведвалі падрыхтоўчыя трэнінгі. На майстар-класах купалаўцы вучыліся падбіраць каманду і прэзентаваць працу, разбіраліся ў фінансаванні, маркетынгу і магчымых рызыках. Пасля навучальных семінараў рабяты афармлялі ідэі і падавалі заяўкі. Усяго ў конкурсе па выніках двух тураў прымае ўдзел 25 каманд. Канкурсанты прапануюць на суд экспертаў ідэі для розных сфер жыцця: мабільныя дадаткі, чат-боты, адукацыйныя праекты. Ёсць у ліку ідэй і інавацыйныя тэхналагічныя рашэнні. Напрыклад, паркоўкі з выкарыстаннем сонечнай энергіі для электратранспарту.
Зарэгістраваныя праекты журы ацэніць да 3 чэрвеня. Улічваюцца інавацыйнасць праекта, яго актуальнасць і запатрабаванасць, реалізуемасць на практыцы і наяўнасць абгрунтаванай бізнес-мадэлі. Завершыцца «ИнНаСтарт» фінальным этапам «Стартап бой». Фіналісты прэзентуюць свае праекты, паўдзельнічаюць у майстар-класах, змогуць пракансультавацца з экспертамі-прадпрымальнікамі.
Па выніках конкурсу журы вызначыць лепшыя студэнцкія праекты ў чатырох намінацыях згодна з прыярытэтнымі напрамкамі навуковых даследаванняў і навукова-тэхнічнай дзейнасці ў Рэспубліцы Беларусь: «Лепшы стартап-праект - ТЭХНАЛОГІЯ», «Лепшы стартап-праект - ПРАДУКТ», «Лепшы стартап-праект - ПАСЛУГА», «Лепшы стартап-праект - САЦЫЯЛЬНЫЯ ІНАВАЦЫІ».
Пераможцы і прызёры IV Адкрытага конкурсу студэнцкіх стартап-праектаў «ИнНаСтарт» атрымаюць прызы, сертыфікат на бясплатнае кансультаванне ў Навукова-тэхналагічным парку ГрДУ імя Янкі Купалы, магчымасць карыстацца яго інфраструктурай і паслугамі.
Таксама арганізатары адзначаюць, што па выніках конкурсу можа быць вызначаны лепшы праект - прэтэндэнт на Гран-пры ў форме гранта на стварэнне стартапа - рэзідэнта навукова-тэхналагічнага парку з аб'ёмам і крыніцамі фінансавання, вызначанымі на аснове абгрунтаванага бізнес-плана ва ўстаноўленым парадку.
Гродзенскі дзяржаўны ўніверсітэт імя Янкі Купалы