Тэрміны ўступнай кампаніі вызначаны ў Беларусі.
Міністэрства адукацыі Рэспублікі Беларусь устанавіла тэрміны правядзення ўступнай кампаніі ва ўстановы вышэйшай адукацыі ў 2021 годзе. З 20 па 26 ліпеня будзе ажыццяўляцца прыём дакументаў для атрымання вышэйшай адукацыі за кошт бюджэтных сродкаў і на платнай аснове. Абітурыентам, якія паступаюць на вочную (дзённую) форму атрымання адукацыі ва ўстановы вышэйшай адукацыі сельскагаспадарчага профілю за кошт бюджэтных сродкаў і на платнай аснове, неабходна падаць дакументы ў тэрмін з 20 па 28 ліпеня. Для выпускнікоў профільных класаў педагагічнай і аграрнай накіраванасці, якія паступаюць на педагагічныя і сельскагаспадарчыя спецыяльнасці, устаноўлены тэрмін падачы дакументаў - з 20 па 22 ліпеня. Прыём дакументаў ад абітурыентаў, якія паступаюць на завочную форму атрымання адукацыі ва ўстановы вышэйшай адукацыі сельскагаспадарчага профілю за кошт бюджэтных сродкаў і на платнай аснове, будзе ажыццяўляцца з 15 лістапада па 5 снежня.
Для абітурыентаў, якія паступаюць на платнае і не праходзяць уступныя выпрабаванні, устаноўлены наступныя тэрміны падачы дакументаў: з 20 ліпеня па 5 жніўня - у Акадэміі МУС, Магілёўскім інстытуце МУС, Універсітэце грамадзянскай абароны МНС; з 20 ліпеня па 10 жніўня - у вочнай (дзённай) форме атрымання адукацыі па сельскагаспадарчых спецыяльнасцях (з 15 лістапада па 5 снежня ў завочнай форме атрымання адукацыі па гэтым напрамку); з 20 ліпеня па 9 жніўня - у іншых установах вышэйшай адукацыі.
Тэрміны правядзення ўступных выпрабаванняў у Універсітэце грамадзянскай абароны МНС, Ваеннай акадэміі Рэспублікі Беларусь, на ваенных факультэтах ва ўстановах вышэйшай адукацыі - з 27 па 29 ліпеня; у iншых установах вышэйшай адукацыі - з 27 ліпеня па 4 жніўня; у вочнай (дзённай) форме атрымання адукацыі па сельскагаспадарчых спецыяльнасцях - з 29 ліпеня па 4 жніўня; у завочнай форме атрымання адукацыі ва ўстановы вышэйшай адукацыі сельскагаспадарчага профілю - з 6 па 15 снежня.
Вызначаны таксама тэрміны залічэння абітурыентаў на бюджэтныя месцы: у Ваеннай акадэміі Рэспублікі Беларусь, Інстытуце пагранічнай службы Рэспублікі Беларусь, Універсітэце грамадзянскай абароны МНС, на ваенных факультэтах ва ўстановах вышэйшай адукацыі - па 31 ліпеня; у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў - па 6 жніўня; у іншых дзяржаўных установах вышэйшай адукацыі (акрамя завочнай формы атрымання адукацыі ва ўстановах вышэйшай адукацыі сельскагаспадарчага профілю) - да 5 жнiўня; у завочнай форме атрымання адукацыі ва ўстановах вышэйшай адукацыі сельскагаспадарчага профілю - па 20 снежня.
На месцы для атрымання вышэйшай адукацыі на платнай аснове ва ўстановах вышэйшай адукацыі (акрамя завочнай формы атрымання адукацыі ва ўстановах вышэйшай адукацыі сельскагаспадарчага профілю) устаноўлены тэрміны для залічэння па 11 жніўня, у завочнай форме атрымання адукацыі ва ўстановах вышэйшай адукацыі сельскагаспадарчага профілю - па 20 снежня.
У пастанове Міністэрства адукацыі Рэспублікі Беларусь, апублікаваным на Нацыянальным прававым партале, таксама прапісаныя тэрміны дадатковага набору ў дзяржаўныя ўстановы вышэйшай адукацыі і парадак правядзення ўступнай кампаніі для іншаземцаў і асоб без грамадзянства.
Гродзенскі дзяржаўны ўніверсітэт імя Янкі Купалы