17 красавіка ў Гродзенскім дзяржаўным універсітэце імя Янкі Купалы прайшоў конкурс "Лепшая група ўніверсітэта - 2025". Гэтае мерапрыемства стала яскравым прыкладам згуртаванасці і творчасці студэнцкай супольнасці, аб'ядноўваючы маладых людзей розных спецыяльнасцяў і фармуючы моцныя сувязі ўнутры Купалаўскага ўніверсітэта. Конкурс не толькі выявіў таленты студэнтаў, але і падкрэсліў важнасць узаемадзеяння паміж факультэтамі, садзейнічаючы стварэнню адзінай адукацыйнай прасторы.
У барацьбе за званне "Лепшай групы" прымалі ўдзел пяць факультэтаў: факультэт псіхалогіі, факультэт гісторыі, камунікацыі і турызму, а таксама інжынерны, філалагічны і фізіка-тэхнічны факультэты.
Факультэт гісторыі, камунікацыі і турызму парадаваў гледачоў жывымі выступленнямі, у якіх студэнты спецыяльнасці "Інфармацыя і камунікацыя" расказалі пра сябе праз займальныя гісторыі і песні.
Філалагічны факультэт здзівіў усіх, прадэманстраваўшы дасягненні сваёй групы праз прамоўніцкае майстэрства і танцавальныя нумары.
Група спецыяльнасці "Электраэнергетыка і электратэхніка" фізіка-тэхнічнага факультэта пакарыла гледачоў сваімі яркімі танцамі, якія сталі сапраўднай разыначкай вечара.
Факультэт псіхалогіі вырашыў здзівіць усіх выступленнем у стылі магіі. Студэнты спецыяльнасці «Сацыяльна-педагагічная і псіхалагічная адукацыя» стварылі атмасферу чараўніцтва, расказваючы пра сваю ўнікальнасць і сяброўства ў групе, што выклікала шчырыя апладысменты гледачоў і дадало крыху загадкавасці.
Інжынерны факультэт захапляльна расказаў гісторыю свайго факультэта.
Завяршылася мерапрыемства ўзнагароджаннем і памятным фатаграфаваннем. Пераможцам конкурсу стала група 2 курса спецыяльнасці "Транспартная лагістыка" інжынернага факультэта. Другое месца дасталася факультэту гісторыі, камунікацыі і турызму, а трэцяе месца заняў філалагічны факультэт.
Конкурс «Лепшая група ўніверсітэта – 2025» стаў яркай падзеяй у жыцці ўніверсітэта, прадэманстраваўшы талент і крэатыўнасць студэнтаў.
Гродзенскі дзяржаўны ўніверсітэт імя Янкі Купалы