Прадстаўнікі юрыдычнага факультэта Купалаўскага ўніверсітэта сумесна з расійскімі і польскімі калегамі правядуць міжнародны навуковы семінар у рэжыме онлайн 17 снежня.
Арганізатарамі XIII міжнароднага навуковага семінара, які прысвечаны актуальным напрамкам развіцця фінансава-прававой навукі, з'яўляюцца кафедра міжнароднага права юрыдычнага факультэта Купалаўскага ўніверсітэта, кафедра фінансавага права юрыдычнага факультэта Варонежскага дзяржаўнага ўніверсітэта і кафедры фінансаў публічных і фінансавага права, а таксама кафедра падатковага права факультэта права Універсітэта ў Беластоку. У відэаканферэнцыі прымуць удзел студэнты і аспіранты Беларускага дзяржаўнага ўніверсітэта і ўстаноў вышэйшай адукацыі, якія ўваходзяць у Цэнтр даследавання фінансаў публічных і падатковага права дзяржаў Цэнтральнай і Усходняй Еўропы.
У цэнтры ўвагі ўдзельнікаў семінара будуць пытанні, якія тычацца фінансавай дзейнасці дзяржавы як сферы ўжывання фінансавага права, лічбавых тэхналогій грашовага звароту, а таксама перспектыў уплыву лічбавых тэхналогій на прадмет фінансавага права. Падчас відэаканферэнцыі пагавораць і аб інстытуце падатковага кантролю і спосабах абароны правоў і законных інтарэсаў падаткаплацельшчыкаў у краінах Цэнтральнай і Усходняй Еўропы. Прыняць удзел у мерапрыемстве ў якасці слухачоў могуць усе жадаючыя. Працоўная мова відэаканферэнцыі - руская.
Гродзенскі дзяржаўны ўніверсітэт імя Янкі Купалы