Рэспубліканская навукова-практычная канферэнцыя-конкурс навукова-даследчых работ навучэнцаў сярэдніх, сярэдніх спецыяльных навучальных устаноў і студэнтаў ВНУ "Ад Альфа да Амегі…" пройдзе ўжо дванаццаты раз.
Канферэнцыя-конкурс пройдзе ў два этапы на факультэце матэматыкі і інфарматыкі Купалаўскага ўніверсітэта. Першы этап адбудзецца 29-30 красавіка 2022 года, другі - 30 верасня і 1 кастрычніка 2022 года.
У 2022 годзе работа канферэнцыі-конкурсу плануецца па наступных напрамках: алгебра, геаметрыя і матэматычны аналіз; прыкладная матэматыка; камп'ютарныя навукі і праграміраванне; робататэхніка і штучны інтэлект; выстава-конкурсы дзіцячых і юнацкіх калектываў «Баі робатаў».
Навуковая праграма прадугледжвае падрыхтоўку і прадстаўленне навукова-даследчых работ школьнікамі і навучэнцамі сярэдніх спецыяльных навучальных устаноў, навуковых артыкулаў - студэнтамі ВНУ; выступленні ўдзельнікаў з дакладамі аб выніках сваёй даследчай дзейнасці, дыскусіі, конкурсы, узнагароджанне аўтараў лепшых работ, выступленні вучоных, круглыя сталы для навуковых кіраўнікоў і настаўнікаў.
Асноўныя даты канферэнцыі:
з 1 красавіка - падача электронных заявак на ўдзел у рабоце канферэнцыі-конкурсе.
Да 11 красавіка - прадстаўленне матэрыялаў (артыкул, тэзісаў) на першы этап.
да 12 верасня - прадстаўленне матэрыялаў (артыкул, тэзісаў) на другі этап.
Абавязковы электронны варыянт накіроўваецца па адрасе alfa.mf@grsu.by.
Неабходна дачакацца пацверджання аргкамітэта аб атрыманні матэрыялаў.
Да 1 мая – прадстаўленне заявак на ўдзел у выставе-конкурсе «Баі робатаў» з апісаннем пажаданняў і магчымасцяў.
Да 12 верасня - пацвярджэнне ўдзелу дзіцячых і юнацкіх калектываў, а таксама прыватных асоб у выставе-конкурсе "Баі робатаў" і прадстаўленне пашпартоў праектаў.
З больш падрабязнай інфармацыяй можна азнаёміцца ў інфармацыйным лісце, які знаходзіцца на сайце факультэта, там жа размешчана спасылка для рэгістрацыі на ўдзел.
Гродзенскі дзяржаўны ўніверсітэт імя Янкі Купалы