Купалаўцы прынялі ўдзел у другой міжвузаўскай студэнцкай навукова-практычнай канферэнцыя «Жылібераўскія чытанні».
Мерапрыемства, якое адбылося ў рамках імкнення да актыўнага навуковага абмену ведамі і развіцця навукова-даследчай дзейнасці, прыцягнула ўвагу як студэнтаў, так і выкладчыкаў, вучоных і спецыялістаў у розных галінах навукі і практыкі.
Канферэнцыя арганізавана Гродзенскім дзяржаўным універсітэтам імя Янкі Купалы сумесна з Гродзенскім дзяржаўным медыцынскім універсітэтам. У працы канферэнцыі прынялі ўдзел супрацоўнікі і студэнты факультэта біялогіі і экалогіі ГрДУ імя Янкі Купалы і ГрДМУ.
У рамках канферэнцыі студэнты выступілі з дакладамі ў 4 секцыях: «Анатомія і гісталогія», «Медыка-біялагічныя навукі», «Фармакалогія і фармакагнозія», «Гігіена і экалогія».
Канферэнцыя прайшла ў сяброўскай атмасферы, дзе кожны ўдзельнік меў магчымасць прадставіць свае ідэі і атрымаць адваротную сувязь ад калег і экспертаў. Прэзентацыі і даклады былі ацэнены як акадэмічнай супольнасцю, так і спецыялістамі-практыкамі, што падкрэслівае рэпутацыю і значнасць гэтага мерапрыемства ў навуковым асяроддзі рэгіёна. На пленарным пасяджэнні былі падведзены вынікі канферэнцыі, а лепшыя даклады адзначаны дыпломамі рознай ступені.
Гродзенскі дзяржаўны ўніверсітэт імя Янкі Купалы