Навуковы форум аб'яднаў навукоўцаў з вядучых універсітэтаў і навуковых арганізацый Беларусі, Расіі, Польшчы і Украіны.
Навукова-практычная канферэнцыя, прысвечаная вывучэнню і развіццю навуковай спадчыны выдатнага заолага - прафесара Анатоля Уладзіміравіча Фядзюшына, праходзіць у Купалаўскім універсітэце 24 і 25 сакавіка. З прывітальным словам да ўдзельнікаў канферэнцыі звярнуўся прарэктар па навуковай працы ГрДУ імя Янкі Купалы Юрый Раманоўскі і дэкан факультэта біялогіі і экалогіі Аляксандр Карэўскі.
Для ўдзелу ў навуковым форуме заяўлена больш за 300 дакладаў. У выступах будуць закрануты сучасныя аспекты фаўністычных даследаванняў, маніторынгу і кадастра жывёльнага свету, захавання біяразнастайнасці, рацыянальнага выкарыстання і аховы рэсурсаў жывёльнага свету. Асаблівую ўвагу навукоўцы-заолагі нададуць разгляду актуальных праблем аўтэкалогіі жывёл ва ўмовах росту антрапагеннага ўплыву і глабальных змяненняў асяроддзя пражывання. У ходзе навуковай дыскусіі ўдзельнікі выпрацуюць прапановы і шляхі ўдасканалення навукова-метадычных падыходаў да ацэнкі папуляцый і якасці асяроддзя пражывання жывёл, прадставяць сучасныя метадалагічныя падыходы ў выкладанні біялагічных дысцыплін ва ўстановах вышэйшай і сярэдняй адукацыі, у тым ліку з прымяненнем лічбавых тэхналогій.
.
Гродзенскі дзяржаўны ўніверсітэт імя Янкі Купалы