Сёння, 22 кастрычніка 2015 года, гродзенскі фатограф, магістр гістарычных навук, старшы выкладчык кафедры журналістыкі Сяргей Паўлавіч Марозаў прадставіў купалаўцам - студэнтам, выкладчыкам і супрацоўнікам Гродзенскага дзяржаўнага ўніверсітэта імя Янкі Купалы - новую фотавыставу пад назвай «Маналог з Сусветам».
З прывітальным словам да гасцей звярнуўся прарэктар па выхаваўчай працы Васілій Васільевіч Сянько, адзначыўшы, што фатаграфіі зроблены прафесійна, з душой і цеплынёй. «Вельмі важна, што гэтая выстава юбілейная, дзясятая, і праходзіць у нашым універсітэце. Гэта сведчыць пра павагу выкладчыка да роднай ВНУ, гэта ганарова для самога купалаўскага ўніверсітэта. Прыемна, што захапленне фатаграфіяй перарасло ў сапраўдную работу жыцця», - падкрэсліў Васілій Васільевіч, уручаючы аўтару выставы Падзячны ліст ад адміністрацыі ГрДУ імя Янкі Купалы.
Пра ідэю фотавыставы распавёў сам аўтар Сяргей Марозаў: «Цікавасць да зорнага неба ў мяне прачнуўся даўно, яшчэ ў дзяцінстве. Мы з мамай часта выходзілі на вуліцу, каб паглядзець на зоркі. Гэтая любоў да неба прайшла скрозь гады і пераплялася з маёй прафесійнай дзейнасцю. Мне было цікава знаходзіцца сам-насам з Сусветам: быў час падумаць, быў час паразважаць. І тады я зразумеў, што ўсе нашы праблемы ў маштабах сусвету нязначныя. Вельмі спадзяюся, што выстава спадабаецца гледачам, і ў іх будзе час падумаць пра жыццё і атрымаць асалоду ад мастацтва».
У экспазіцыі прадстаўлены 24 фотаздымка, на якіх занатавана не толькі зорнае неба Гродзеншчыны, але палацава-паркавыя комплексы, непаўторная прырода, тэлевізійная вышка Гродна і іншыя славутасці раёна і горада.
Паглядзець на фатаграфіі зорнага неба можна ў галоўным корпусе ўніверсітэта на працягу тыдня.
- Фотовыставка «Монолог со вселенной» открылась в ГрГУ имени Янки Купалы
- Фотовыставка «Монолог со вселенной» открылась в ГрГУ имени Янки Купалы
- Проректор по воспитательной работе ГрГУ имени Янки Купалы В.В. Сенько вручил автору выставки благодарственное письмо
- Гродненский фотограф, магистр исторических наук, старший преподаватель кафедры журналистики С.П. Морозов представил купаловцам – студентам, преподавателям и сотрудникам ГрГУ имени Янки Купалы – новую фотовыставку под названием «Монолог со вселенной»
- Гродненский фотограф, магистр исторических наук, старший преподаватель кафедры журналистики С.П. Морозов представил купаловцам – студентам, преподавателям и сотрудникам ГрГУ имени Янки Купалы – новую фотовыставку под названием «Монолог со вселенной»
- Гостями выставки стали студенты, преподаватели и сотрудники ГрГУ имени Янки Купалы
- Гостями выставки стали студенты, преподаватели и сотрудники ГрГУ имени Янки Купалы
Гродзенскі дзяржаўны ўніверсітэт імя Янкі Купалы