XIV Адкрыты камандны чэмпіянат па праграміраванні Гродзенскага дзяржаўнага ўніверсітэта імя Янкі Купалы адбудзецца 29 красавіка 2016 года.
Да ўдзелу запрашаюцца студэнцкія каманды і каманды навучэнцаў школ, гімназій і ліцэяў. Ужо вядома, што супернікамі купалаўцаў стануць каманды з Беларускага дзяржаўнага ўніверсітэта, Беларускага дзяржаўнага ўніверсітэта інфарматыкі і радыёэлектронікі, Маскоўскага фізіка-тэхнічнага інстытута (Расія), Нацыянальнага даследчага тэхналагічнага ўніверсітэта «МІСіС» (Расія), а таксама Вільнюскага ўніверсітэта (Літва).
Спаборніцтвы будуць праводзіцца ў фармаце штогадовай міжнароднай студэнцкай алімпіяды па праграмаванні ACM. Кожнай камандзе будзе выдзелены адзін камп'ютар. На працягу 5 гадзін удзельнікам трэба будзе рашыць максімальную колькасць прапанаваных задач: напісаць праграму, пасля чаго адправіць яе на сервер тэстуе сістэмы, дзе яна павінна прайсці праверку на фіксаваным наборы тэстаў. Рашэнне лічыцца карэктным пры ўмове, калі праграма паспяхова прайшла ўсе тэсты. Варта адзначыць, што тэксты заданняў выдаюцца ўдзельнікам на англійскай мове.
Асноўны тур спаборніцтваў адбудзецца 29 красавіка 2016 года ў 10.00 па адрасе: г. Гродна, вул. Ажэшкі, 22.
Для рэгістрацыі камандам навучэнцаў (ад аднаго да трох удзельнікаў) неабходна да 16.00 25 красавіка 2016 года накіраваць заяўку на электронны адрас stepin@grsu.by з указаннем ВНУ, складу каманды, трэнера, кантактнага тэлефона для сувязі.
З умовамі задач X Адкрытага чэмпіянату па праграміраванні ГрДУ імя Янкі Купалы ў 2014 годзе можна азнаёміцца ў дадатку 1.
З вынікамі X Адкрытага чэмпіянату па праграміраванні ГрДУ імя Янкі Купалы ў 2014 годзе можна азнаёміцца ў дадатку 2.
З умовамі задач XI Адкрытага чэмпіянату па праграміраванні ГрДУ імя Янкі Купалы ў 2015 годзе можна азнаёміцца ў дадатку 3.
З вынікамі XI Адкрытага чэмпіянату па праграміраванні ГрДУ імя Янкі Купалы ў 2015 годзе можна азнаёміцца ў дадатку 4.
Са зводнай табліцай вынікаў рашэння кантэсту Гродна - 2015 на розных зборах можна азнаёміцца ў дадатку 5.