6 лістапада прадстаўнікі юрыдычнага факультэта Гродзенскага дзяржаўнага ўніверсітэта імя Янкі Купалы наведалі VI Міжнародны маладзёжны форум "Антыкантрафакт-М", прысвечаны пытанням абароны рынку EAЭС ад кантрафактнай прадукцыі. Мерапрыемства адбылося на пляцоўцы Фінансавага ўніверсітэта пры Урадзе Расійскай Федэрацыі і аб'яднала больш за 200 удзельнікаў з Расіі, Беларусі, Арменіі, Кыргызстана, Казахстана, Узбекістана, Туркменістана, Кітая, Індыі і Гвінеі.
Купалаўскі ўніверсітэт на канферэнцыі прадставілі студэнтка 3 курса спецыяльнасці «Мытная справа» Анжаліка Фефілацьева і студэнт 2 курса спецыяльнасці «Правазнаўства» Данііл Філіпчык, у якасці экспертаў выступілі загадчык кафедры міжнароднага права Лілія Абрамчык і дацэнт кафедры крымінальнага права, крымінальнага працэсу і крыміналістыкі Марыя Жук.
У рамках форуму "Антыкантрафакт-М" маладыя спецыялісты абмеркавалі пытанні выкарыстання лічбавых тэхналогій у сферы фінансавага рэгулявання, абароны аб'ектаў інтэлектуальнай уласнасці, маркіроўкі тавараў, вядзення знешнеэканамічнай дзейнасці ў новых рэаліях, а таксама метады навучання і павышэння прафесійнай кампетэнтнасці спецыялістаў у галіне процідзеяння незаконнаму абароту прадукцыі.
Акрамя таго, кожны ўдзельнік меў магчымасць выказаць сваю актыўную пазіцыю ў дачыненні да кантрафакту, няякаснай прадукцыі, пірацтва, аховы і абароны інтэлектуальнай уласнасці падчас дзелавой гульні "Моладзь супраць кантрафакту".
Арганізатарам форуму выступіла Міжнародная асацыяцыя арганізацый, якія ажыццяўляюць дзейнасць па супрацьдзеянні незаконнаму абароту кантрафактнай прадукцыі "Антыкантрафакт".
Гродзенскі дзяржаўны ўніверсітэт імя Янкі Купалы