Семінар «Матэматыка ва ўніверсітэце: як стаць паспяховым» стартуе 26 студзеня.
Для ўдзелу ў мерапрыемстве запрашаюць вучняў 9-11 класаў, якія ўжо займаюцца даследчай дзейнасцю ў галіне матэматыкі, удзельнікаў матэматычных баёў, алімпіяд і конкурсаў, а таксама ўсіх жадаючых.
На думку арганізатараў, семінар дапаможа паспяхова адаптавацца школьнікам да ўніверсітэцкай адукацыі. Заняткі стануць стартам у працы з тымі дзецьмі, хто хацеў бы неўзабаве займацца матэматычнай навукай.
Змест работы семінара будзе арыентаваны перш за ўсё на паспяховае паглыбленне навучэнцаў, якія плануюць звязаць сваю адукацыйную траекторыю з матэматыкай, ва ўніверсітэцкую матэматычную адукацыю як у навукова-педагагічным плане, так і ў напрамку інфармацыйных тэхналогій.
Заняткі ў рамках семінара будуць праходзіць два разы на месяц. Першае арганізацыйны сход пройдзе 26 студзеня ў ліцэі № 1 горада Гродна па адрасе: вул. БЛК, 21, аўд. 321. Рэгістрацыя ўдзельнікаў пачнецца ў 11.00, пасля чаго адбудзецца сумеснае абмеркаванне далейшага плана работы. Завершыцца сустрэча лекцыяй на тэму «Матэматыка ва ўніверсітэце: як стаць паспяховым».
Арганізатар семінара - кафедра матэматычнага аналізу дыферэнцыяльных раўнанняў і алгебры факультэта матэматыкі і інфарматыкі купалаўскага ўніверсітэта.
Гродзенскі дзяржаўны ўніверсітэт імя Янкі Купалы