Свята прыгажосці і мужнасці, элегантнасці і харызмы, грацыі і артыстычнага майстэрства «Міс і Містар універсітэт - 2019» адбудзецца ў ГрДУ імя Янкі Купалы 22 сакавіка.
За тытул «Міс і Містар універсітэт - 2019» будуць змагацца 9 хлопцаў і 9 дзяўчат, якія прайшлі ў фінал конкурсу па выніках агульнаўніверсітэцкага кастынгу. Канкурсантам трэба будзе праявіць сябе ў творчым нумары, спартыўным і народным стылізаваным выхадзе, неардынарна расказаць пра сябе. Пераможцы атрымаюць падарункавы сертыфікат ад універсітэта, карону і цыліндр. Прыемныя сюрпрызы для ўдзельнікаў падрыхтавалі партнёры конкурсу.
Будуць названы таксама пераможцы ў намінацыях "Лепшы творчы нумар", "Міс і Містар фота", "Містар Лідэр і Міс Дружба", "Міс і Містар глядацкіх сімпатый".
Акрамя таго, будуць названы пераможцы ў намінацыі "Міс і Містар інтэрнэт». Кожны супрацоўнік і студэнт купалаўскага ўніверсітэта зможа прагаласаваць за ўпадабанага ўдзельніка па спасылцы. Старт галасавання будзе дадзены сёння, 13 сакавіка, у 15.00.
Варта адзначыць, што гісторыя конкурсу «Міс універсітэт» бярэ свой пачатак у 1999 годзе. У 2010 годзе ва ўніверсітэце стартаваў праект «Містар універсітэт», які быў закліканы прадэманстраваць сцэнічную культуру, фізічную дасканаласць і творчыя здольнасці юнакоў.
У 2015 годзе ідэя аб'яднання двух конкурсаў «Міс універсітэт» і «Містар універсітэт» дазволіла надаць праекту яшчэ большую ўнікальнасць і непаўторнасць.
Набыць білеты на фінал конкурсу «Міс і Містар універсітэт - 2019» можна па адрасе: вул. Ажэшка, 22, Рэгіянальны цэнтр турызму.
Пачатак шоў у 19.00 па адрасе: вул. Леніна, 32 (актавая зала).
Акрэдытацыя журналістаў і ўзгадненне фотаздымкі па тэл. 73-19-79, + 375 (29) 786-92-91.
Гродзенскі дзяржаўны ўніверсітэт імя Янкі Купалы