Навучэнцы школ падчас вакацый і ў шосты школьны дзень наведваюць купалаўскі ўніверсітэт, знаёмяцца з выкладчыкамі і студэнтамі, удзельнічаюць у прафарыентацыйных актыўнасцях.
Усяго з пачатку навучальнага года ГрДУ імя Янкі Купалы ў рамках адукацыйна-прафарыентацыйнага турызму наведалі больш за 250 навучэнцаў устаноў агульнай сярэдняй адукацыі Гродна і Гродзенскай вобласці, а таксама Брэста і Баранавічаў.
Адукацыйна-прафарыентацыйны турызм спалучае адпачынак з атрыманнем новых ведаў, пашырае светапогляд, дапамагае змястоўна і актыўна правесці час.
- Такая форма ўзаемадзеяння дазваляе выпускнікам школ, гімназій і ліцэяў вобласці і іншых рэгіёнаў пазнаёміцца з акадэмічнай і студэнцкай жыццём нашага універсітэта, - адзначыла начальнік рэгіянальнага цэнтра тэсціравання і прафесійнай арыентацыі моладзі Аксана Валюк.
Падчас вясновых канікул навучэнцы і педагогі гімназіі імя К. Каліноўскага г. Свіслачы і сярэдняй школы №4 г. Ваўкавыска змястоўна і актыўна правялі час у сценах універсітэта.
- Цікавасць да ўніверсітэту ў рабят і педагогаў непадробная, - адзначае Аксана Валюк. - Сёння ГрДУ імя Янкі Купалы прапануе актыўны адпачынак з атрыманнем новых ведаў. Школьнікі пашыраюць свой кругагляд, знаёмяцца з гісторыяй універсітэта, яго спецыяльнасцямі, а таксама дасягненнямі студэнтаў у навуцы, мастацтве і спорце. Візіт ва ўніверсітэт становіцца пацвярджэннем правільнасці прафесійнага выбару рабят, а для некаторых - падставай задумацца пра гэты выбар.
Для рабят праходзяць аглядныя экскурсіі па ўніверсітэце і Музею гісторыі развіцця ГрДУ імя Янкі Купалы. Педагогі-псіхолагі Рэгіянальнага цэнтра тэсціравання і прафесійнай арыентацыі моладзі праводзяць для навучэнцаў прафарыентацыйную кансультацыю «Прафвектар +». Такая форма работы накіравана не толькі на актывізацыю ў падлеткаў цікавасці да прафесійнага самавызначэння, але і на дапамогу ва ўсвядомленым выбары прафесіі, а таксама фарміраванне ўяўлення аб траекторыі пабудовы далейшага прафесійнага шляху. У сумеснай працы псіхолага і навучэнца з'яўляецца больш дакладнае ўяўленне аб далейшым прафесійным развіцці: ад выбару спецыяльнасці да канкрэтнай рэалізацыі сябе ў прафесійнай сферы.
Гродзенскі дзяржаўны ўніверсітэт імя Янкі Купалы