Каманды юнакоў і дзяўчат факультэтаў купалаўскага ўніверсітэта 15 і 16 мая спаборнічалі ў першынстве па настольным тэнісе. Турнір праходзіў у рамках круглагадовай спартакіяды.
Удзел у спаборніцтвах прынялі дзевяць каманд дзяўчат і адзінаццаць каманд юнакоў.
Сярод дзяўчат золата спаборніцтваў заваявала каманда юрыдычнага факультэта пад кіраўніцтвам старшага выкладчыка кафедры фізічнага выхавання і спорту Аляксандра Кудзеля. На другім месцы прадстаўніцы факультэта біялогіі і экалогіі, кіраўнік - старшы выкладчык кафедры фізічнага выхавання і спорту Аляксей Абялеўскі, бронзу судзейская калегія прысудзіла камандзе факультэта эканомікі і кіравання пад кіраўніцтвам старшага выкладчыка кафедры фізічнага выхавання і спорту Віктара Вайцішкіна.
Золата сярод юнакоў дасталася камандзе факультэта матэматыкі і інфарматыкі, кіраўнік старшы выкладчык кафедры фізічнага выхавання і спорту Аляксандр Флярко. Срэбра ў хлопцаў факультэта гісторыі, камунікацыі і турызму пад кіраўніцтвам старшага выкладчыка кафедры фізічнага выхавання і спорту Андрэя Болахава. На трэцім месцы каманда факультэта біялогіі і экалогіі, кіраўнік рабят - старшы выкладчык кафедры фізічнага выхавання і спорту Аляксей Абялеўскі.
Судзілі спаборніцтвы загадчык кафедры тэорыі і методыкі фізічнай культуры Станіслаў Гарадзілін і старшы выкладчык кафедры фізічнага выхавання і спорту Аляксандр Кудзеля.
Гродзенскі дзяржаўны ўніверсітэт імя Янкі Купалы