Міжнародная навуковая канферэнцыя адбылася 14 мая ў фармаце відэаканферэнцыі.
У працы круглага стала прынялі ўдзел студэнты, магістранты і выкладчыкі ўніверсітэтаў. Навукоўцаў павіталі прарэктар па навуковай працы ГрДУ імя Янкі Купалы Юрый Раманоўскі і прарэктар па навуковай працы і інавацыях СДЮА доктар юрыдычных навук, прафесар Яўген Вавілін.
Мадэратарамі круглага стала ад ГрДУ імя Янкі Купалы выступіў загадчык кафедры грамадзянскага права і працэсу Ігар Мартыненка. З боку СДЮА мадэратарам выступала загадчык кафедры грамадзянскага працэсу Аксана Ісаенкава.
У рамках відэаканферэнцыі ўдзельнікі абмеркавалі апеляцыю ў грамадзянскім і гаспадарчым працэсах Беларусі і Расіі, касацыйную вытворчасць. Акрамя таго былі разгледжаны тэмы ўніфікацыі грамадзянскага і арбітражнага працэсуальнага заканадаўства, а таксама вытворчасць па разглядзе спраў у парадку нагляду ў судах Беларусі і Расіі.
Свае даклады на канферэнцыі прадставілі аспіранты Барыс Балахонаў і Аляксандра Габрыянчык, а таксама студэнты 4 курса юрыдычнага факультэта Раман Гушчын і Павел Сялявін.
Навуковы форум прадоўжыўся ў фармаце дыскусіі, падчас якой навукоўцы абмеркавалі пытанні беларускага і расійскага заканадаўства аб грамадзянскім судаводстве.
Гродзенскі дзяржаўны ўніверсітэт імя Янкі Купалы