Турнір адбыўся 27 і 28 мая ў Мінску і праходзіў у праграме Рэспубліканскай універсіяды-2019.
Удзельнікамі фінальнага тура сталі каманды Беларускага дзяржаўнага ўніверсітэта інфарматыкі і радыёэлектронікі, Беларускага нацыянальнага тэхнічнага ўніверсітэта, ГрДУ імя Янкі Купалы і Беларускага дзяржаўнага ўніверсітэта фізічнай культуры. Дарэчы, за права змагацца ў фінале спаборнічалі ўсе ўніверсітэты краіны.
Па выніках спаборніцтваў каманда ГрДУ імя Янкі Купалы стала другой, а лідэр каманды Аляксандр Семянюк заваяваў званне самага выніковага баскетбаліста лігі. Золата турніру ў БДУІР.
Галоўны трэнер ГрДУ імя Янкі Купалы, дацэнт кафедры фізічнага выхавання і спорту факультэта фізічнай культуры Віталь Маклакоў адзначае:
- У нашай камандзе шмат дэбютантаў. Хлопцы стараліся і змагаліся ў кожным моманце. Нам атрымоўвалася трымацца ў гульні на працягу двух з паловай чвэрцяў, у першую чаргу, за кошт індывідуальнага майстэрства нашых лідэраў. БДУІР жа, насупраць, дзейнічаў вельмі камандна і зладжана, бо ў іх калектыве на працягу ўжо некалькіх гадоў сабраны вопытныя і згуляныя паміж сабой выканаўцы. Сёння мы другія. Віншую супернікаў з чэмпіёнствам!
У сваю чаргу цэнтравы купалаўскага ўніверсітэта Аляксандр Семянюк распавёў, што ён заўсёды рады згуляць за родны ўніверсітэт і дапамагчы камандзе:
- Думаю, нам удалося паказаць годны баскетбол і пазмагацца з супернікам.
Па матэрыялах Беларускай федэрацыі баскетбола
- Игрок команды ГрГУ имени Янки Купалы Дмитрий Куратник
- Команда купаловского университета
- Игрок команды ГрГУ имени Янки Купалы Григорий Крук
- Лидер команды ГрГУ имени Янки Купалы Александр Семенюк
- Лидер команды ГрГУ имени Янки Купалы Александр Семенюк признан самым результативным игроком лиги
Гродзенскі дзяржаўны ўніверсітэт імя Янкі Купалы