Выязное пасяджэнне Савета па развіцці прадпрымальніцтва пры Гродзенскім гарадскім выканаўчым камітэце адбылося ў Навукова-тэхналагічным парку ГрДУ імя Янкі Купалы 18 ліпеня.
Мерапрыемства прайшло з удзелам старшыні Гродзенскага гарадскога выканаўчага камітэта Мечыслава Гоя. ГрДУ імя Янкі Купалы на сустрэчы прадставілі прарэктар па навуковай рабоце Юрый Раманоўскі, дырэктар Навукова-тэхналагічнага парку Аляксандр Васілевіч і начальнік цэнтра трансферу тэхналогій Алена Апякун.
Мечыслаў Гой падзякаваў кіраўніцтву ГрДУ імя Янкі Купалы і Тэхнапарка за супрацоўніцтва і выказаў надзею на далейшае ўзаемадзеянне.
-Тэхнапарк - гэта кропка росту для Гродна, дзе могуць стварацца новыя запатрабаваныя прадукты. Як яркі прыклад - прадпрыемства «Біялазер» – падкрэсліў Мечыслаў Браняслававіч.
У сваю чаргу прарэктар па навуковай працы ГрДУ імя Янкі Купалы Юрый Раманоўскі адзначыў:
- Мы стваралі Тэхнапарк з мэтай развіцця інавацыйнага прадпрымальніцтва, каб уключыць у такую дзейнасць студэнтаў. Для Гродна Тэхнапарк - гэта ўнікальны праект. Вельмі важна, што сёння сучасныя навуковыя вынікі атрымліваюцца на стыку некалькіх абласцей. На сённяшні дзень у нас ужо ёсць шэсць рэзідэнтаў з розных сфер. Напрыклад, прадпрыемствы, якія займаюцца IT распрацоўкамі, распрацоўкамі ў сферы высокіх тэхналогій, вымяральнай тэхнікі, - адзначыў Юрый Яцентович.
У межах сустрэчы начальнік упраўлення эканомікі Гродзенскага гарадскога выканаўчага камітэта Вольга Сабадзе распавяла аб пытаннях, якія ўзнікаюць пры рэалізацыі інвестыцыйных праектаў у ходзе праектавання і будаўніцтва, прапановы па паляпшэнні дзелавога асяроддзя ў г. Гродна.
Акрамя таго ўдзельнікаў Савета пазнаёмілі з мэтамі, задачамі і перспектывамі развіцця Тэхнапарка, а таксама з некаторымі інавацыйнымі ідэямі студэнтаў ГрДУ імя Янкі Купалы і конкурсам «ИнНаСтарт». У рамках Савета адбылася таксама экскурсія па лабараторыях Тэхнапарка і прэзентацыя інавацыйных распрацовак
.
Гродзенскі дзяржаўны ўніверсітэт імя Янкі Купалы