Спаборніцтвы праходзілі ў праграме Рэспубліканскай універсіяды - 2019.
Для выхаду ў паўфінал каманда Гродзенскага дзяржаўнага ўніверсітэта імя Янкі Купалы паспяхова выступіла на рэгіянальным і міжрэгіянальным этапах. Усяго на старце лігі было прадстаўлена больш за 30 студэнцкіх каманд.
У паўфінале студэнткі ГрДУ імя Янкі Купалы сустрэліся з камандай Беларускага дзяржаўнага ўніверсітэта фізічнай культуры, якой прайгралі ўсяго адзін мяч.
Другую пару паўфіналу склалі Беларускі нацыянальны тэхнічны ўніверсітэт і Гомельскі дзяржаўны ўніверсітэт імя Францыска Скарыны. Па выніках турніру ў барацьбе за трэцяе месца спартсменкі Купалаўскага ўніверсітэта абыгралі каманду ГДУ імя Ф. Скарыны, а дзяўчаты з БНТУ абыгралі БДУФК і сталі першымі.
Лепшым бамбардзірам лігі стала студэнтка факультэта фізічнай культуры ГрДУ імя Янкі Купалы Ганна Рабчанка, а званне «Лепшы гулец задняй лініі» заваявала студэнтка факультэта фізічнай культуры Вераніка Цвірко.
Трэнерскі штаб каманды ГрДУ імя Янкі Купалы - інструктар па фізічнай культуры Марына Ясене і старшы выкладчык кафедры спартыўных гульняў Наталля Гівер.
- Команда ГрГУ имени Янки Купалы
- Тренерский штаб команды ГрГУ имени Янки Купалы Марина Ясене (слева) и Наталья Гивер (справа)
- Звание «Лучший игрок задней линии» завоевала студентка факультета физической культуры Вероника Цвирко
- Лучшим бомбардиром лиги стала студентка факультета физической культуры ГрГУ имени Янки Купалы Анна Рябченко
Гродзенскі дзяржаўны ўніверсітэт імя Янкі Купалы