Алімпіяду ў завочнай форме з выкарыстаннем дыстанцыйных тэхналогій правядуць у Купалаўскім універсітэце 11 сакавіка.
Алімпіяда па кірунку «Лагістыка» праводзіцца з мэтай выяўлення і развіцця ў студэнтаў творчых здольнасцяў і цікавасці да лагістыкі, стварэння неабходных умоў для падтрымкі адораных навучэнцаў. Прыняць удзел у ёй запрашаюць навучэнцы і выпускнікі сярэдняй спецыяльнай і прафесійна-тэхнічнай адукацыі.
Удзельнікам алімпіяды арганізатары прапануюць заданні, вырашыць якія яны змогуць пры наяўнасці ведаў лагістычных і эканамічных тэрмінаў і паняццяў, валоданні навыкамі аналітычнай інтэрпрэтацыі інфармацыі, звязанай з рухам матэрыяльнага патоку і ўменнем тлумачыць і абгрунтоўваць уласны пункт гледжання.
Конкурсныя заданні алімпіяды мяркуюць два этапы. У рамках першага - тэсціравання - удзельнікам неабходна будзе адказаць на 30 пытанняў па базавых паняццях ў сферы лагістыкі ў рэжыме on-line. У ходзе другога этапа ўдзельнікам алімпіяды трэба будзе прапанаваць сваё бачанне і рашэнне лагістычнай сітуацыі на аснове кейс-задання. Журы ацэніць уменне пісьменна выяўляць прычынна-выніковую сувязь пэўнай эканамічнай з'явы.
Удзел у алімпіядзе па кірунку «Лагістыка» бясплатнае. Заяўкі аргкамітэт алімпіяды прымае на электронную пошту logisticgrsu@gmail.com да 8 сакавіка 2020 года.
З больш падрабязнай інфармацыяй можна азнаёміцца ў «Інфармацыйным лісце», а таксама на сайце факультэта інавацыйных тэхналогій машынабудавання ўніверсітэта у раздзеле «Вучоба».
Гродзенскі дзяржаўны ўніверсітэт імя Янкі Купалы