Паўдзельнічаць у алімпіядах змогуць вучні 9 - 11 класаў у перыяд з 26 кастрычніка па 4 лістапада.
Для ўдзелу неабходна зарэгістравацца на сайце https://school.grsu.by і ў адпаведнасці з графікам правядзення этапаў выканаць прапанаваныя заданні. Пераможцы дыстанцыйных алімпіяд па біялогіі і хіміі 2020 года будуць мець пераважнае права на залічэнне ў Гродзенскі дзяржаўны ўніверсітэт імя Янкі Купалы на факультэт біялогіі і экалогіі пры роўнай колькасці балаў.
Алімпіяды па біялогіі і хіміі праводзяцца Купалаўскім універсітэтам з 2016 года з мэтай развіцця ў школьнікаў цікавасці да навуковай дзейнасці, павышэння іх творчай актыўнасці і прыцягнення да навучання ва ўніверсітэце адоранай і таленавітай моладзі. Удзельнікамі такіх алімпіяд ўжо сталі больш 1750 вучняў школ з усіх абласцей Беларусі. Каля 200 пераможцаў былі ўзнагароджаны дыпломамі і атрымалі памятныя падарункі.
Гродзенскі дзяржаўны ўніверсітэт імя Янкі Купалы