У Купалаўскім універсітэце 17 верасня падвялі вынікі конкурсу сацыяльных моладзевых праектаў.
На конкурс было прадстаўлена 5 праектаў рознай сацыяльнай накіраванасці ад студэнтаў юрыдычнага і педагагічнага факультэтаў, а таксама факультэта псіхалогіі. Сярод іх праекты з ідэямі новых заканадаўчых ініцыятыў, праекты, звязаныя са стварэннем карыснага відэакантэнту для студэнтаў у сетцы інтэрнэт, прафарыентацыйныя праекты, а таксама праекты, якія тычацца сацыяльнай рэабілітацыі і адаптацыі дзяцей з растройствамі аутыстычнага спектру.
Па выніках конкурсу дыпломам I ступені ўзнагароджаны аўтарскі калектыў праекта «РОС-СВЯТЛО», над якім працавалі студэнты педагагічнага факультэта Таццяна Шчэрбач, Яўгена Ральченя, Валерыя Літвіненкава. Мэта праекта - сацыяльная рэабілітацыя і адаптацыя дзяцей, якія маюць растройствы аутыстычнага спектру пры дапамозе прымянення музычнай тэрапіі. Дыплом II ступені прысуджаны аўтарскаму калектыву праекта «Свядомы крок» студэнтам факультэта псіхалогіі Лідзіі Зурабавай і Кацярыне Кежун. Дзяўчыны прапануюць фармаваць у абітурыентаў устойлівую прафесійную накіраванасць праз дзейнасць валанцёрскага прафарыентацыйнага атрада "Пэрспэктыва".
Дыпломам III ступені ўзнагароджана студэнтка юрыдычнага факультэта Марыя Сушко за праект «Ёсць, каб жыць», у якім аўтары прапанавалі на заканадаўчым узроўні забараніць выкід прадуктаў і іх рацыянальнае пераразмеркаванне з улікам патрэбаў грамадства.
Пераможцы конкурсу сацыяльных моладзевых праектаў удастоены таксама грашовых прэмій. Акрамя гэтага, усім, хто прадставіў свой праект на конкурс, былі ўручаны дыпломы ўдзельнікаў і памятныя прызы ад прафсаюзнага камітэта студэнтаў універсітэта і першаснай арганізацыі ГА «БРСМ» ГрДУ імя Янкі Купалы.
Гродзенскі дзяржаўны ўніверсітэт імя Янкі Купалы