Фінал юбілейнага агульнаўніверсітэцкага конкурсу першакурснікаў пройдзе ў Купалаўскім універсітэце ў рэжыме онлайн.
Фінальны этап конкурсу правядуць ва ўніверсітэце дыстанцыйна ў сувязі з эпідэміялагічнай сітуацыяй. У аўторак, 17 лістапада, па тры члены журы ад кожнага факультэта да 13.00 адгледзяць відэа фінальных праграм і выставяць свае балы. Ужо ў 14.00 адбудзецца прамая трансляцыя, дзе будуць абвешчаныя вынікі конкурсу. Пераможцам стане каманда, якая набрала ў агульнай суме найбольшую колькасць балаў. Таксама журы назаве пераможцаў у розных намінацыях конкурсу.
Нагадаем, што ў гэтым годзе за перамогу ў конкурсе «ALMA MATER - каханне з першага курсу» будуць змагацца каманды факультэта інавацыйных тэхналогій машынабудавання, факультэта фізічнай культуры і факультэта гісторыі, камунікацыі і турызму.
Гродзенскі дзяржаўны ўніверсітэт імя Янкі Купалы