Работы ад удзельнікаў адкрытага конкурсу на лепшы талісман для Купалаўскага ўніверсітэта прымаюцца да 25 красавіка.
У конкурсе ўжо ўдзельнічае 29 работ, якія былі прадастаўлены студэнтамі васьмі факультэтаў ГрДУ імя Янкі Купалы і слухачом "Школы дакладных навук" па хіміі і біялогіі. Сваё бачанне сімвала Alma mater прапанавалі прадстаўнікі ваеннага, юрыдычнага, фізіка-тэхнічнага, філалагічнага факультэтаў, а таксама факультэтаў біялогіі і экалогіі, матэматыкі і інфарматыкі, мастацтваў і дызайну.
Па рашэнні арганізатараў і членаў конкурснай камісіі конкурс на выбар талісмана працягваецца да 25 красавіка. Работы прымаюцца ў электронным варыянце ў выглядзе завершанага каляровага малюнка, выкананага ў любой тэхніцы, уключаючы камп'ютэрную графіку, на адрас электроннай пошты kss@grsu.by. Памер карцінкі не павінен перавышаць 5 Mb, фармат - JPG, PSD, CDR або AI. Работа павінна суправаджацца кароткай тлумачальнай запіскай, якая раскрывае творчую ідэю аўтара, а таксама змяшчае прапановы ў дачыненні імя (наймення) талісмана. Арганізатары конкурсу просяць удзельнікаў пры распрацоўцы талісмана ўлічваць тое, што знак універсітэта ў наступным павінен быць увасоблены ў выглядзе роставай лялькі. Колькасць заявак ад аднаго ўдзельніка не абмяжоўваецца.
Гродзенскі дзяржаўны ўніверсітэт імя Янкі Купалы