8 дыпломаў на абласной алімпіядзе па матэматыцы і 2 дыпломы па астраноміі і фізіцы заваявалі слухачы падрыхтоўчых курсаў «Алімп-прэміум» і «Алімп-міні».
Па выніках абласнога этапу школьнай алімпіяды па матэматыцы дыпломы 1 ступені заваявалі Ілля Парфёненка, навучэнец 11 класа гімназіі №1 г. Гродна, і Максім Фёдараў, навучэнец 8 класа гімназіі № 10 г. Гродна. Высокі ўзровень ведаў паказалі таксама Наталля Козел, навучэнка 8 класа гімназіі №3 г. Гродна, Алена Вярцінская, навучэнка 9 класа гімназіі №3 г. Гродна, і Юры Шутко, навучэнец 9 класа Гродзенскай гарадской гімназіі. Яны былі ўдастоены дыпломаў 2 ступені па матэматыцы. І дыпломамі 3 ступені ўзнагароджаны навучэнец 7 класа гімназіі № 3 г. Гродна Арцём Кергет, навучэнец 8 класа гімназіі № 3 г. Гродна Захар Дуднічэнка і навучэнец 11 класа гімназіі № 1 г. Гродна Уладзімір Ключынскі. Дыплом 1 ступені на алімпіядзе па астраноміі заваяваў навучэнец 10 класа ліцэя №1 г. Гродна Арцём Грыб. І дыпломам 3 ступені па выніках алімпіяды па фізіцы ўзнагароджана вучаніца 9 класа гімназіі №10 г. Гродна Кацярына Марціновіч.
Рабяты з'яўляюцца слухачамі курсаў "Алімп-прэміум" факультэта давузаўскай падрыхтоўкі Купалаўскага ўніверсітэта. Многія з іх займаюцца на курсах ўжо трэці год. Заняткі па матэматыцы праводзяць загадчык кафедры сучасных тэхналогій давузаўскай падрыхтоўкі, дацэнт Ірына Карлюкова, выкладчык кафедры сучасных тэхналогій даўніверсітэцкай адукацыі Аляксандр Арбузаў, аспірант факультэта матэматыкі і інфарматыкі Наталля Казлоўская і студэнт 2 курса факультэта эканомікі і кіравання Уладзілен Лакцевіч.
На рэспубліканскім этапе прадметных алімпіяд у камандзе Гродзенскай вобласці выступяць 6 слухачоў факультэта давузаўскай падрыхтоўкі ГрДУ імя Янкі Купалы.
Гродзенскі дзяржаўны ўніверсітэт імя Янкі Купалы