Каля 50 выкладчыкаў і супрацоўнікаў універсітэта сталі слухачамі шостага сезона курсаў павышэння кваліфікацыі.
18 загадчыкаў і спецыялістаў вучэбна-метадычных кабінетаў асвоілі змест адукацыйнай праграмы «Арганізацыя і тэхнічнае забеспячэнне навучальнага працэсу з выкарыстаннем ІКТ», а 30 выкладчыкаў ГрДУ імя Янкі Купалы - праграмы «Інавацыйныя метады навучання».
У перыяд са студзеня па сакавік слухачы курсаў вывучалі чатыры навучальных модулі: «Адукацыйны партал ГрДУ імя Янкі Купалы як інтэрактыўная адукацыйная пляцоўка», «Сэрвісы Google для навучання», «Відэа як інструмент навучання для выкладчыкаў і студэнтаў», «Microsoft Teams: стварэнне асяроддзя сумеснага навучання». Аргдзейнасная методыка правядзення заняткаў дазволіла стварыць прадуктыўную сераду навучання. За час курсаў слухачы запісалі навучальныя промаролікі на рускай і англійскай мовах, у якіх распавялі, чаму навучальныя дысцыпліны розных спецыяльнасцяў важныя для выпрацоўкі прафесійных кампетэнцый будучых спецыялістаў. Ролікі будуць размешчаны на адукацыйным партале ГрДУ імя Янкі Купалы і сайце электроннага навукова-метадычнага часопіса «Універсітэт адукацыйных інавацый».
У ходзе заключнага мерапрыемства слухачы курсаў распавялі аб атрыманым вопыце, падзяліліся вынікамі працы на платформе курсаў, у аўдыторыі, камп'ютарным класе і відэастудыі.
- Праграма курсаў была цікавай і насычанай. Нягледзячы на тое, што некаторыя тэмы былі ўжо вядомыя, мадэратару атрымалася паднесці іх з другога, творчага боку, - распавяла загадчык вучэбна-метадычным кабінетам лінгвістычных камп'ютэрных тэхналогій Алена Сняжко.
- Калі запісвала відэаролік па вучэбнай дысцыпліне, не думала, што атрымаю шмат асабістай інфармацыі пра сябе, - падзялілася старэйшы выкладчык кафедры лагістыкі і метадаў кіравання Таццяна Госцік. - Відэа выконвае не толькі дыдактычныя функцыі, яно дазваляе рэальна ацаніць уласную працу, паводзіны перад камерай, уменне быць пераканаўчым і цікавым выкладчыкам.
- Платформа Teams арыентавана на актыўных карыстальнікаў, - падкрэсліла ў зносінах з калегамі мадэратар курсаў, намеснік дэкана факультэта матэматыкі і інфарматыкі Таццяна Ванькова. - Яна стане сапраўднай знаходкай для выкладчыкаў, якія накіраваны на інтэрактыўнае ўзаемадзеянне са студэнтамі, каму патрэбна імгненная зваротная сувязь, для каго на першае месца выходзіць плённая дзейнасць студэнтаў падчас дыстанцыйнага занятку.
- Курсы ў прапанаваным фармаце выклікалі на першую пару здзіўленне. Аднак праз час стала зразумела, што іх працягласць дазволіла не толькі атрымаць карысную інфармацыю ад мадэратараў і запісаць відэаролік па дысцыпліне, але і пашырыць дыяпазон зносін, даведацца пра досвед калегаў, якія працуюць на іншых факультэтах, распавесці аб сваіх поспехах, цяжкасцях, планах, - адзначыў дацэнт кафедры тэарэтычнай фізікі і цеплатэхнікі Уладзіслаў Курстак.
Пасведчанні аб павышэнні кваліфікацыі слухачы атрымалі з рук мадэратараў - выкладчыкаў Купалаўскага ўніверсітэта.
Гродзенскі дзяржаўны ўніверсітэт імя Янкі Купалы