VI Міжнародная алімпіяда па лагістыцы прайшла ў дыстанцыйным фармаце ў Валгаградскім філіяле Расійскага эканамічнага ўніверсітэта імя Г.В. Пляханава.
У VI Міжнароднай алімпіядзе па лагістыцы прынялі ўдзел студэнты Купалаўскага ўніверсітэта, якія навучаюцца па спецыяльнасці "Транспартная лагістыка». Першае месца заняла студэнтка 3 курса ГрДУ імя Янкі Купалы Кацярына Тукальская. На другім месцы апынулася студэнтка 2 курса Анастасія Коўш. Трэцяе месца - у студэнткі 2 курса Купалаўскага ўніверсітэта Наталлі Лукуць. У камандным першынстве прадстаўнікі Гродзенскага дзяржаўнага ўніверсітэта імя Янкі Купалы Наталля Лукуць і Анастасія Лабанава таксама выступілі паспяхова, заняўшы трэцяе месца.
Сярод удзельнікаў міжнароднай алімпіяды па лагістыцы былі студэнты ўстаноў вышэйшай адукацыі Беларусі, Казахстана, Польшчы і Расіі. Рэспубліка Беларусь была прадстаўлена камандамі Гродзенскага дзяржаўнага ўніверсітэта імя Янкі Купалы, Беларускага нацыянальнага тэхнічнага ўніверсітэта, Брэсцкага дзяржаўнага тэхнічнага ўніверсітэта, Полацкага дзяржаўнага ўніверсітэта, а таксама Мінскага філіяла РЭУ імя Г.В. Пляханава.
Гродзенскі дзяржаўны ўніверсітэт імя Янкі Купалы