Алімпіяда традыцыйна прайшла ў рамках мерапрыемстваў Дзён славянскага пісьменства і культуры і была прысвечана памяці славянскіх асветнікаў Кірылы і Мяфодзія.
У гэтым годзе алімпіяда адбылася ў вочным і онлайн фарматах. Удзельнікі адказвалі на пытанні пра гісторыю ўзнікнення і развіцця славянскай пісьменнасці, жыцця і дзейнасці Кірылы і Мяфодзія, моўнай і графічнай характарыстыцы помнікаў стараславянскай мовы. Прадугледжаны былі і заданні, якія тычацца фанетыкі, лексікі, марфалогіі і графікі стараславянскай мовы.
Удзел у алімпіядзе ў рэжыме онлайн прынялі больш за 80 чалавек: студэнты Беларускага дзяржаўнага ўніверсітэта, Гродзенскага дзяржаўнага ўніверсітэта імя Янкі Купалы, Гомельскага дзяржаўнага ўніверсітэта імя Францыска Скарыны, Віцебскага дзяржаўнага ўніверсітэта імя П. М. Машэрава, магістранты, школьнікі і ўсе жадаючыя. Пытанні ўдзельнікам былі прапанаваны на беларускай і на рускай мовах - кожны мог выбраць мову, а таксама зручны час для выканання. Самы высокі вынік па выніках алімпіяды ў онлайн-фармаце паказала студэнтка Віцебскага дзяржаўнага ўніверсітэта імя П. М. Машэрава Анастасія Шчаглова.
У вочным фармаце алімпіяда па стараславянскай мове ў Купалаўскім універсітэце аб'яднала студэнтаў 1 курса спецыяльнасцяў «Беларуская філалогія» і «Беларуская філалогія» філалагічнага факультэта. Пераможцай Алімпіяды ў вочным фармаце стала студэнтка факультэта Ганна Дудкоўская, на другім месцы - Юлія Васількова, трэцяй стала Маргарыта Пятрова.
Гродзенскі дзяржаўны ўніверсітэт імя Янкі Купалы