У рамках мерапрыемства адбылася дыялогавая пляцоўка «Роля студэнцкага самакіравання ў развіцці інавацыйных формаў выхавання студэнцкай моладзі».
Удзельнікі пасяджэння абмеркавалі вынікі дзейнасці Грамадскага студэнцкага савета за 2020/21 навучальны год. З дакладамі выступілі прадстаўнікі студэнцкай моладзі ўніверсітэтаў Мінска, Віцебска, Гродна. Так, аб асноўных напрамках дзейнасці Каардынацыйнага студэнцкага савета Купалаўскага ўніверсітэта распавяла старшыня Савета, студэнтка ГрДУ імя Янкі Купалы Вераніка Басінская. У сваім выступе яна закранула аспект, які тычыцца працы сектара па кантролі якасці адукацыі. Прадстаўнікі Міністэрства адукацыі Беларусі, якія прысутнічалі на мерапрыемстве, адзначылі, што яны зацікаўленыя ў прапановах ад студэнтаў, якія могуць дапамагчы пры распрацоўцы новых нарматыўных дакументаў.
Актыўнае абмеркаванне ва ўдзельнікаў пашыранага пасяджэння выклікала пытанне, звязанае з інфармацыйнай працай, якая праводзіцца актывам студэнцкага савета. Рабяты пагадзіліся, што трэба больш распавядаць у мессенджарах і соцсетках пра тое, што робіць студэнцкі савет, якія мерапрыемствы праводзяцца. У дыскусію ўключыўся і Міністр адукацыі Ігар Карпенка, звярнуўшы ўвагу студэнтаў на важнасць задзейнічання розных інфармацыйных пляцовак, у тым ліку і віртуальных, паколькі абмеркаванне актуальных пытанняў, абмен думкамі, фарміраванне пазітыўнага парадку дня дапамагае выпрацаваць дакладнае разуменне далейшага развіцця беларускага студэнцтва.
- Мне хацелася б адчуваць пульс студэнцтва. Пры гэтым важна, каб телеграм-канал студэнцкага самакіравання прадстаўляў інтарэсы, ідэі, пажаданні не толькі актыву, але і ўсіх беларускіх студэнтаў, - падкрэсліў Ігар Карпенка. - Бо для чаго патрэбен студсавет? Па-першае, дзейнасць у межах грамадскіх структур дае вам пэўны сацыяльны вопыт. Па-другое, гэта добрая пляцоўка для абмеркавання самых актуальных пытанняў. Мы павінны адчуваць сябе адзінай супольнасцю, паколькі кожны з нас, па сутнасці, з'яўляецца суб'ектам адукацыйнага працэсу.
На неабходнасць аб'яднаць намаганні лідараў студэнцкага самакіравання, моладзевых арганізацый, прафсаюзнага камітэта зрабіла акцэнт і рэктар ГрДУ імя Янкі Купалы Ірына Кітурка, якая таксама прысутнічала на пасяджэнні Рэспубліканскага студэнцкага савета.
- Памятаеце, бо ў нас абвешчаны Год народнага адзінства, і я заўсёды кажу студэнтам: ваша сіла - у адзінстве. Вы, актывісты моладзевага руху, павінны аб'яднаць свае намаганні, інтэлектуальны патэнцыял, і толькі гэта дапаможа зрабіць вашу дзейнасць больш эфектыўнай, - адзначыла Ірына Кітурка.
У ходзе работы дыялогавай пляцоўкі была ўдзелена ўвага пытанням сацыяльнай актыўнасці студэнцкай моладзі, грамадзянска-патрыятычнага выхавання, валанцёрскай дзейнасці. Пагаварылі таксама пра важнасць рэалізацыі міжуніверсітэцкіх праектаў. Падчас працы дыялогавай пляцоўкі студэнты змаглі задаць свае пытанні Міністру адукацыі Ігару Карпенка. Так, рабят цікавіла, ці знойдзе працяг у гэтым годзе рэалізацыя праекта «Моладзевы цягнік». Міністр адказаў, што цягнік адправіцца ў падарожжа па краіне ў ліпені, а стартаваць будзе як раз з горада Гродна - моладзевай сталіцы Рэспублікі Беларусь. У рамках дыялогу студэнты закранулі пытанні арганізацыі міжнародных школ на базе беларускіх універсітэтаў, выступілі з прапановамі па рэалізацыі некаторых новых маладзёжных праектаў. У сваю чаргу, Ігар Карпенка адзначыў, што падтрымае любыя сацыяльна значныя ініцыятывы студэнтаў, асабліва тыя мерапрыемствы, якія будуць садзейнічаць умацаванню ўзаемадзеяння паміж студэнтамі розных універсітэтаў краіны.
Гродзенскі дзяржаўны ўніверсітэт імя Янкі Купалы