У рамках візіту Наталля Качанава азнаёмілася з падрыхтоўкай да ўводу ў эксплуатацыю другой чаргі Тэхнапарка, а таксама пагутарыла з навукоўцамі і студэнтамі, якія на базе Навукова-тэхналагічнага парку прадстаўлялі свае распрацоўкі.
Кіраўніку Савета Рэспублікі былі наглядна прадэманстраваны ўмовы, у якіх новыя рэзідэнты змогуць распрацоўваць і ствараць навукаёмісты прадукт. Цікавасць выклікала арганізацыя спецыялізаванага выставачнага цэнтра для экспанавання і прасоўвання прадукцыі рэзідэнтаў Тэхнапарка, прадпрыемстваў горада Гродна і Гродзенскага рэгіёну.
У форме дыялогу Наталля Іванаўна пагутарыла з аўтарамі-распрацоўшчыкамі інавацыйных праектаў Купалаўскага ўніверсітэта «Кампазіцыйны матэрыял на аснове серы і серазмяшчальных адходаў», «Энергаэфектыўны пенашкляны цеплаізаляцыйны матэрыял» і іншых; з каардынатарамі праекту гімназіі № 10 г. Гродна «Motiv Art», які рэалізуецца ў рамках Маладзёжнай інжынернай акадэміі, дзе вучні аб'яднаны ў вучэбную бізнес-кампанію і са школьнай лавы вучацца інжынерным праектам.
Старшыня Савета Рэспублікі сустрэлася са студэнтамі, якія на базе Тэхнапарка прадстаўлялі свае распрацоўкі, створаныя ў тым ліку дзякуючы Студыі стартапаў і праектаў ГрДУ імя Янкі Купалы. У фармаце дыскусіі Наталля Іванаўна абмеркавала са студэнтамі пытанні, якія тычацца перспектыў развіцця вышэйшай адукацыі. Разам з рабятамі паразважалі на тэму, куды прывядзе ў далейшым цыфравізацыя. Форма дыялогавай пляцоўкі для такіх зносін была выбрана не выпадкова.
Кіраўнік Савета Рэспублікі таксама адзначыла, што прасоўванне навукі павінна ісці сумесна з развіццём чалавечых якасцяў, і пажадала моладзі, нягледзячы на развіццё высокіх тэхналогій, ніколі не забываць аб жывым цяпле чалавечых зносін.
Гродзенскі дзяржаўны ўніверсітэт імя Янкі Купалы