На некаторыя спецыяльнасці сфармаваўся конкурс не толькі на бюджэтныя месцы, але і на платныя.
На завочную скарочаную форму па спецыяльнасці «Абсталяванне і тэхналогіі высокаэфектыўных працэсаў апрацоўкі матэрыялаў» сфармаваўся конкурс як сярод жадаючых навучацца за кошт сродкаў бюджэту, так і сярод абітурыентаў, якія падалі дакументы на платную форму навучання. Варта адзначыць, што 6 з 10 бюджэтных месцаў занялі абітурыенты, якія скончылі каледжы з адзнакай. У рамках уступных выпрабаванняў абітурыентка Віялета Паплаўская, якая паступае на дадзеную спецыяльнасць, атрымала па прадмеце "Асновы інжынернай графікі" адзнаку 10 балаў. Дарэчы, яна скончыла Тэхналагічны каледж Гродзенскага дзяржаўнага ўніверсітэта імя Янкі Купалы ў 2021 годзе.
Традыцыйна запатрабавана ў абітурыентаў спецыяльнасць "Транспартная лагістыка (аўтамабільны транспарт)", конкурс на бюджэтныя месцы склаў 3,87; а прахадны бал - 314 балаў. На платныя месцы па дадзенай спецыяльнасці конкурсная сітуацыя фармуецца і прахадны бал будзе вызначаны толькі 9 жніўня 2021.
Новая спецыяльнасць «Электрычны і аўтаномны транспарт» таксама выклікае цікавасць у абітурыентаў, якія бачаць перспектывы ў атрыманні кваліфікацыі "інжынер-электрамеханік" з улікам уводу ў эксплуатацыю ў Гродзенскай вобласці Беларускай атамнай электрастанцыі і рэалізацыі дзяржаўных праграм па пытаннях пераходу да «Зялёнай эканомікі» і экалагізацыі. Акрамя таго, на выбар абітурыентаў уплываюць і агульнасусветныя тэндэнцыі ў развіцці інавацыйных праектаў у аўтамабілебудаванні і пераход на экалагічна чыстыя віды энергіі, у тым ліку для аўтаномнага транспарту.
Падаць дакументы на платныя месцы па спецыяльнасцях факультэта інавацыйных тэхналогій машынабудавання Гродзенскага дзяржаўнага ўніверсітэта імя Янкі Купалы яшчэ можна паспець. Прыёмная камісія будзе працаваць па 9 жніўня ўключна.
Гродзенскі дзяржаўны ўніверсітэт імя Янкі Купалы