Заняткі ў студыі пачнуцца 9 кастрычніка.
Студыя юнага журналіста - гэта ўнікальная творчая лабараторыя новых медыя, тэлебачання, радыё і прэсы, якая дазваляе будучым абітурыентам зразумець асновы будучай прафесіі. Слухачы маюць магчымасць азнаёміцца з асновамі журналістыкі, атрымаць вопыт практычнай дзейнасці ў прафесійным асяроддзі, пашырыць кругагляд, даведацца больш пра гісторыю і сучаснасць традыцыйных і новых медыя, акунуцца ў атмасферу студэнцтва, навучыцца спраўляцца з хваляваннем і падрыхтавацца да ўступнага выпрабавання "Творчасць".
У студыю прымаюцца навучэнцы 9-11 класаў школ, ліцэяў, гімназій, каледжаў, якія праяўляюць цікавасць да журналістыкі і жадаючыя ў далейшым паступаць на адпаведную спецыяльнасць ва ўніверсітэт. Заняткі праводзяць выкладчыкі кафедры журналістыкі па суботах. У ГрДУ імя Янкі Купалы на спецыяльнасць "Журналістыка" штогод паступаюць абітурыенты не толькі з горада Гродна і Гродзенскай вобласці, але і з усёй Беларусі, таму заняткі будуць арганізаваныя адразу ў двух фарматах: онлайн і офлайн.
Запісацца на заняткі можна па спасылцы абои па тэлефонах:
+375 (29) 584 55 84 (MTS, Telegram)
+375 (44) 584 45 84 (А1, Viber)
Кантактная асоба - Святлана Гендрыкаўна Хвясько.
Гродзенскі дзяржаўны ўніверсітэт імя Янкі Купалы