Акцыя праходзіла з 25 верасня па 9 кастрычніка, у ёй прынялі ўдзел 16 універсітэтаў і каледжаў. У гэтыя дні студэнты прыбіралі смецце ў экасістэмах. Купалаўцы таксама далучыліся да падзеі і адправіліся наводзіць парадак на берагах Нёмана.
Члены валанцёрскага атрада «Адкрытае сэрца» факультэта інавацыйных тэхналогій машынабудавання выйшлі 2 кастрычніка да Нёману і старанна папрацавалі. Па выніку акцыі яны занялі першае месца за самы высокі каэфіцыент сабраных ПЭТ-упаковак і трэцяе месца згодна з каэфіцыентам збору адходаў. Як распавёў дацэнт кафедры машыназнаўства і тэхнічнай эксплуатацыі аўтамабіляў Аляксандр Піваварчык, атрад з году ў год прымае ўдзел у акцыі «Мы клапоцімся». Студэнты заўсёды ахвотна далучаюцца да экалагічнай ініцыятывы, бо ім не абыякавыя навакольнае асяроддзе і экалагічнае становішча.
Акрамя таго, у рамках акцыі ўдзельнікі маглі далучыцца да онлайн-семінару, дзякуючы якому моладзь даведалася пра існуючыя праблемы цяжкараскладальных адходаў, а таксама аб правілах сартавання смецця.
У цэлым за час акцыі ўдзельнікі па ўсёй краіне сабралі больш за тры тоны смецця. Дарэчы, усе сабраныя адходы сартавалі па чатырох катэгорыях: «Пластык і плёнка», «Шкло», «ПЭТ» і «Астатняе смецце». Пластыкавыя крышкі збіралі асобна - іх перададуць у сацыяльна-экалагічны праект «Новае жыццё ў абмен на крышкі».
Гродзенскі дзяржаўны ўніверсітэт імя Янкі Купалы