У апошні час студэнты і выкладчыкі юрыдычнага факультэта актыўна займаюцца дабрачыннасцю.
Валанцёры атрада «Адкрытыя сэрцы» працягваюць рэгулярна наведваць прытулак для жывёл «Адданае сэрца» ў вёсцы Лапёнкі. Дапамога там патрэбна на пастаяннай аснове, як у выгуле сабак, так і ва ўборцы вальераў. Ад разу да разу склад груп мяняецца, але хлопцы прыходзяць да чатырохногіх сяброў нягледзячы на занятасць і дрэннае надвор'е. Валанцёры адзначаюць, што ім вельмі падабаецца даглядаць жывёл.
Яшчэ адной добрай справай на юрыдычным факультэце стала перадача цырульніцкіх інструментаў у Васілішкаўскі дом-інтэрнат. Сродкі на куплю былі сабраны падчас студэнцкай дабрачыннай выставы-кірмашу "Беларусь хлебасольная". Так супала, што на працу ў дом-інтэрнат якраз прынялі цырульніка, так што падарункі адразу пайшлі "ў працу".
У кастрычніку на факультэце прайшла акцыя "Салодкасці для радасці". У яе рамках былі сабраны і дастаўлены кандытарскія вырабы ў офіс Гродзенскага дабрачыннага таварыства. Усе прысмакі былі размеркаваны паміж сем'ямі, якія маюць патрэбу ў асаблівай падтрымцы.
На факультэце адзначылі, што ўсяляк падтрымліваюць дабрачынныя пачаткі і імкнуцца як мага часцей прыцягваць студэнтаў да добрых спраў, а яны ахвотна адгукаюцца.
Гродзенскі дзяржаўны ўніверсітэт імя Янкі Купалы