Нашы спартсмены атрымалі перамогі ў спаборніцтвах па баскетболе і валейболе. А ў будучую нядзелю пройдуць спаборніцтвы па міні-футболе.
21 снежня 2021 у Гродне ў спарткомплексе "Вікторыя" адбылася гульня чэмпіянату Рэспублікі Беларусь па баскетболе сярод мужчынскіх каманд. "Гродна 93-ГрДУ" сышліся ў сутычцы з "ЦАР Вікторыя" з Брэста. Наша каманда атрымала перамогу з лікам 71:64.
18 снежня ў Гомелі праходзіла гульня чэмпіянату Рэспублікі Беларусь па валейболе сярод жаночых каманд у групе Б. На поле выйшлі "Жамчужына Палессе-2" з Мазыра і "Камунальнік-ГрДУ-2". Каманда нашага ўніверсітэта выйграла суперніц з лікам 3:0.
26 снежня запрашаем хварэць за нашых у спартыўнай зале №2 навучальнага корпуса Купалаўскага ўніверсітэта па вуліцы Захарава,32. Там адбудзецца гульня чэмпіянату Рэспублікі Беларусь па міні-футболе сярод жаночых каманд. "ГрДУ імя Янкі Купалы" выйдзе на поле супраць каманды "Інсайд" з Мінска.
Пачатак гульні ў 13.00.
Гродзенскі дзяржаўны ўніверсітэт імя Янкі Купалы