У гонар дня нараджэння Купалаўскага ўніверсітэта праходзіць конкурс відэавіншаванняў «З Днём Нараджэння, універсітэт!»
Накіраваць сваё відэавіншаванне прапануюць усім-усім купалаўцам. Арганізатары конкурсу не абмяжоўваюць удзельнікаў у фармаце відэавіншаванняў. Гэта могуць быць слоўныя пажаданні, музычны кліп, прачытанне верша, слайд-шоў ці любая іншая форма. Галоўнае, каб віншаванне было душэўным і цёплым.
Для ўдзелу ў конкурсе "З Днём Нараджэння, універсітэт!" неабходна да 16 лютага 2022 года запоўніць форму заяўкі и отправить видеоролики на e-mail csi@grsu.by. Больш падрабязна пра конкурс можна даведацца тут.
Арганізатарамі конкурсу выступаюць аддзел падтрымкі маладзёжных праектаў і ініцыятыў упраўлення выхаваўчай работы з моладдзю, Цэнтр студэнцкіх ініцыятыў ГрДУ імя Янкі Купалы.
Гродзенскі дзяржаўны ўніверсітэт імя Янкі Купалы